ठाण्यातील पहिल्या इलेक्ट्रिक डबल डेकर बसचे उपमुख्यमंत्री शिंदे यांच्या हस्ते लोकार्पण

इलेक्ट्रिक डबल डेकर बसमधून ९० प्रवासी प्रवास करू शकतात.

डबल डेकर बसमुळे ठाणेकरांचा प्रवास अधिक सुखकर होणार : उपमुख्यमंत्री एकनाथ शिंदे

उपमुख्यमंत्री एकनाथ शिंदे यांनी ठाणेकरांना मोठं गिफ्ट दिलं आहे. ठाण्यात आजपासून इलेक्ट्रिक डबल डेकर बस सेवेत दाखल झाली आहे. इलेक्ट्रिक डबल डेकर बसमुळे ठाणेकरांचा प्रवास आणखी सुकर आणि आरामदायी होणार आहे. या बसच्या लोकार्पणाच्या दिवशी उपमुख्यमंत्री एकनाथ शिंदे यांच्यासहित ठाण्याच्या महापौर देखील उपस्थित होत्या.

ठाणे महानगरातील पहिल्या इलेक्ट्रिक डबल डेकर बसचे लोकार्पण उपमुख्यमंत्री एकनाथ शिंदे यांच्या हस्ते करण्यात आलं. उपमुख्यमंत्री शिंदे यांनी महापालिका भवन येथून लुईसवाडी ते पुन्हा महापालिका भवन असा प्रवास या डबलडेकर बसमधून केलाय. नव्या बसमुळे ठाणेकरांचा प्रवास अधिक सुखकर, आरामदायी होणार असल्याचे शिंदेंनी सांगितले.

नव्या बसचा भार परिवहन सेवेवर नाही

बसच्या लोकार्पणावेळी महापौर शर्मिला पिंपळोलकर, महापालिका सौरभ राव, जिल्हाधिकारी डॉ. श्रीकृष्ण पांचाळ, उपमहापौर कृष्णा पाटील आदी मान्यवर उपस्थित होते. जी.सी.सी तत्वावर या बसेस ठाणे परिवहनमध्ये दाखल होणार आहेत. या बसचा कोणताही भार परिवहन सेवेवर पडणार नसल्याचे सांगण्यात आलंय.

या डबलडेकर बसमध्ये एकाचवेळी 65 प्रवासी बसू शकतात. तर 33 प्रवासी उभे राहून प्रवास करू शकतील. सद्यस्थितीत ही बस तीन हात नाका ते गायमुख या मार्गावर धावणार आहे. इलेक्ट्रिक बस असल्यामुळे ठाणेकरांचा प्रवास पर्यावरणपूरक होणार आहे. तसेच ठाण्यातील परिवहन ताफ्यात आणखी 9 बसेस लवकरच दाखल होणार आहेत.

बसच्या तिकीटाचे दर जुनेच

तत्पूर्वी, ठाणेकरांच्या सार्वजनिक वाहतूक सेवेत इलेक्ट्रिक डबलडेकर बसची भर पडली आहे. या बससाठी जुनेच दर असणार असल्याची माहिती हाती आली आहे. त्यामुळे प्रवाशांना आरामदायी प्रवासासाठी अधिकचे पैसे मोजावे लागणार नाहीत.