Uddhav Thackeray Mumbra Visit Update:

मुंब्र्यातील शिवसेनेच्या शाखेवरुन शिवसेना शिंदे गट आणि ठाकरे गट आमने सामने आलेत, ज्यामुळे ठाण्यामध्ये हायहोल्टेज ड्रामा पाहायला मिळतोय. या शाखेची पाहणी करण्यासाठी उद्धव ठाकरे ठाण्यामध्ये दाखल झाले आहेत, तर दुसरीकडे शिंदे गटाचे नेते नरेश मस्केही कार्यकर्त्यांसह दाखल झाले आहेत. त्यामुळे या ठिकाणी मोठा तणाव निर्माण झाला असूनन पोलिसांनी बंदोबस्त वाढवला आहे.

मुंब्र्यातील (Mumbra) एका शाखेमुळे शिवसेना शिंदे गट आणि ठाकरे गटात जोरदार राडा पाहायला मिळत आहे. या शाखेची पाहणी करण्यासाठी उद्धव ठाकरे (Uddhav Thackeray) स्वतः ठाण्यात दाखल झाले आहेत. यावेळी उद्धव ठाकरेंचे महाविकास आघाडीच्या कार्यकर्त्यांसह शिवसैनिकांकडून जंगी स्वागत करण्यात आले.

मात्र शिंदे गटाचेही कार्यकर्ते या परिसरात दाखल झाल्याने तणावाची परिस्थिती निर्माण झाली आहे. पोलिसांकडूनही उद्धव ठाकरेंचा ताफा अडवण्यात आला. मात्र शाखेला भेट देण्यावर उद्धव ठाकरे ठाम आहेत. खासदार संजय राऊत आणि उद्धव ठाकरे यांनी पोलिसांशी चर्चा केली. मात्र पोलिसांनी त्यांना पुढे न जाण्याची विनंती केल्याने उद्धव ठाकरे पुन्हा गाडीत बसले.

दरम्यान, उद्धव ठाकरे मुंब्र्यात आल्यानंतर शिवसेना शिंदे गटाच्या कार्यकर्त्यांनी त्यांच्या विरोधात जोरदार घोषणाबाजी केली. तसेच यावेळी उद्धव ठाकरे चले जावच्या घोषणाही देण्यात आल्या. शिवसेना शिंदे गट आणि ठाकरे गट आमने सामने आल्याचे पाहायला मिळाले. (Latest Marathi News)