बहुप्रतिक्षित बोरिवली-ठाणे टनल रोड प्रोजेक्टमधील सर्वात मोठा अडथळा दूर झालाय. हा अडथळा दूर झाल्यानं ज्या प्रवासाला दोन तासांचे अंतर लागत होतं, ते अंतर अवघ्या २० मिनिटात पूर्ण होणार आहे. या मार्गात येणाऱ्या मागाठाणे येथील ८७ झोपडीधारकांना हटवण्यात यश आल्यानं या प्रोजेक्टमधील सर्वात मोठा अडथळा दूर झालाय.

ठाणे ते बोरिवली भुयारी मार्गाच्या प्रोजेक्टमध्ये झोपडीधारकांची अडचण निर्माण झाली होती. बोरिवलीतील झोपडीधारकांचे दुसऱ्या ठिकाणी पुनर्वसन करण्यात आले. मागाठाणे येथील संजय गांधी राष्ट्रीय उद्यानाजवळील झोपडीधारकांना संक्रमण शिबिराच्या चाव्या देण्यात आल्या आहेत. रोहिणी फडतरे, उप जिल्हाधिकारी एमएमआरडीए, पंकज सोनवणे विकास अधिकारी आणि स्थानिक आमदार प्रकाश सुर्वे यांच्या हस्ते संक्रमण शिबिराच्या चाव्या देण्यात आल्या.

मागाठाणे ते बोरिवली भुयारी मार्गातील अडथळा दूर झाल्याने भुयारी मार्गाच्या कामाल लवकर सुरुवात होणार. पुढील आठवड्यात प्रत्यक्ष कामाला काम लवकरच सुरू होणार आहे. हे काम पूर्ण झाल्यानंतर ठाणे ते बोरिवलीचं अंतर अवघ्या २० मिनिटात पार होईल. ठाणे ते बोरीवली या भुयारी मार्गासाठी १८ हजार ८३८ कोटी रुपयांची तरतूद करण्यात आलीय. भारतातील हा सर्वात लांब आणि मोठा शहरी भुयारी मार्ग आहे.

महायुतीच्या मागील सत्तेच्या काळात या प्रकल्पाला मंजुरी देण्यात आली होती. त्यावेळी एकनाथ शिंदे मुख्यमंत्री होते. या सहा पदरी दुहेरी भुयारी मार्गाची एकूण लांबी ११. ८५ किमी इतकी आहे. प्रकल्पाचा एकूण खर्च १८ हजार ८३८ कोटी ४० लाख आहे. दरम्यान या भुयारी मार्गामुळे ठाणे ते बोरिवली हा प्रवास फक्त २० मिनिटांत पूर्ण होणार आहे.

पंतप्रधान नरेंद्र मोदींच्या हस्ते ठाणे ते बोरिवली या दुहेरी भुयारी मार्गाची पायाभरणी करण्यात आली होती. या दुहेरी भुयारी मार्गामुळे घोडबंदर रोड आणि पश्चिम द्रुतगती महामार्गावरील वाहतूक कमी होईल. या प्रकल्पाची एकूण लांबी ११.८५ किमी आहे, त्यापैकी १०.२५ किमीचा बोगदा आहे. दोन्ही बोगद्यांमध्ये दोन मार्गिका आणि एक आपत्कालीन मार्गिका असेल.

ठाणे- बोरिवली अशा मार्गावर घोडबंदरवरुन जाताना सध्या दोन तासांचा वेळ लागतो. मात्र या ठाणे - बोरिवली डायरेक्ट लिंकमुळे हा वेळ कमी होणार आहे. बोरिवली - ठाणे प्रवासासाठी घोडबंदरवरुन जाण्याचा मार्ग आहे. मीरा रोड ते ठाण्याचा पूर्व द्रुतगती महामार्ग असा हा मार्ग आहे. हा मार्ग लांब असून या मार्गावर टोलही लागतो. घोडबंदर रोडवर मोठी वाहतूककोंडी असते. पण भुयारी मार्गामुळे वाहतूक कोंडी सुटणार आहे.