Thane Lift Collapse Today:

ठाण्यात इमारतीची लिफ्ट कोसळण्याची धक्कादायक घटना घडली आहे. या घटनेत ६ कामगारांचा मृत्यू झाल्याची घटना घडली आहे. या घटनेतील मृतांची नावे समोर आली आहे. या घटनेने परिसरात एकच खळबळ उडाली आहे. (Latest Marathi News)

ठाण्यातील बाळकुम परिसरात असलेल्या रुणवाल आयरीन या ४० मजली इमारतीची लिफ्ट कोसळण्याची दुर्दैवी घटना घडली आहे. या घटनेतील जखमींना खासगी रुग्णालयात दाखल करण्यात आले आहे.

घटनास्थळी परिस्थिती काय होती?

इमारतीची लिफ्ट कोसळल्यानंतर घटनेतील मृत कामगारांचे मृतदेह बाहेर काढण्यात आले आहे. या घटनेत ६ कामगारांचा मृत्यू झाला आहे. तर एक कामगार जखमी अवस्थेत आहे.

या घटनेतील जखमी कामगाराला उपचाराकरिता ठाण्यातील निपुण रुग्णालयात दाखल केले आहे. तसेच कामगारांचे मृतदेह ठाणे जिल्हा शासकीय रुग्णालयात पुढील कार्यवाहीकरिता पाठविण्यात आले आहे.

ठाण्यातील या दुर्घटनेत मृत झालेल्या कामगारांची नावे समोर आली आहेत. महेंद्र चौपाल (पु / वय ३२ वर्षे ), रुपेश कुमार दास (पु / वय २१ वर्षे ), हारून शेख (पु / ४७ वर्षे ), मिथलेश (पु / ३५ वर्षे ) ,कारिदास (पु / ३८ वर्षे ), अज्ञात (पु) अशी नावे समोर आली आहेत.

तसेच या दुर्घटनेत सुनिल कुमार दास (पु / वय २१ वर्षे ) हा कामगार जखमी झाला आहे. त्याच्यावर ठाण्यातील निपुण रुग्णालयात उपचार सुरू आहेत.

दुर्घटना कशी घडली?

मिळालेल्या माहितीनुसार, बाळकुम येथील रुणवाल आयरीन या ४० मजली इमारतीचं बांधकाम सुरु आहे. या इमारतीच्या छतावर वॉटरप्रूफिंगचे काम सुरू होतं. वॉटरप्रूफिंगचे काम संपलं. त्यानंतर या इमारतीच्या लिफ्टने आठ मजूर खाली येत होते. त्यावेळी लिफ्टचा दोर तुटला. त्यानंतर हा मोठा अपघात घडला, असं सांगण्यात येत आहे.