प्राची कुलकर्णी -

पुणे : शिक्षक पात्रता परीक्षा (TET Exam Scam) गैरव्यवहारात अटकेत असलेले आरोपी राज्य परीक्षा परिषदेचे आयुक्त तुकाराम सुपे कोरोनाबाधित असल्याचे निदर्शनास आले आहे. सुपे यांना उपचारांसाठी खासगी रूग्णालयात दाखल करण्यात यावे असा अर्ज सुपे यांच्या वकिलांकडून शुक्रवारी न्यायालयात सादर करण्यात आला आहे.

तुकाराम सुपे (Tukaram Supe) कोरोनाबाधित असल्याचे चाचणीत निष्पन्न झाले असून त्यांना खासगी रूग्णालयात दाखल करण्यात यावे. उपचाराचा खर्च सुपे करण्यास तयार आहेत, असा अर्ज सुपे यांचे वकीलांनी न्यायालयात सादर केला. प्रथम वर्ग न्यायदंडाधिकारी एस. जे. डोलारे यांनी अर्ज दाखल करून घेतला आहे. या अर्जावर सरकार पक्ष तसेच तपासी अधिकाऱ्यांनी त्यांचे म्हणणे मांडावे, असे न्यायालयाने आदेशात नमूद केले. या अर्जावर सोमवारी सुनावणी होणार आहे.

Edited By - Jagdish Patil