प्राची कुलकर्णी

पुणे : लोणी काळभोर टोलनाक्यावर २ कारचा भीषण (Accident) अपघात झाला आहे. या अपघातात दोघांचा जागीच मृत्यू झाला, तर ३ जण गंभीर जखमी झाले आहेत. आज पहाटे ३ वाजण्याच्या सुमारास ही घटना घडली आहे. पुण्याहून (Pune) यवतकडे जाणाऱ्या तसेच यवतच्या दिशेने पुण्याकडे येणाऱ्या २ गाड्यांमध्ये जोरदार टक्कर झाली आहे. यवतकडे जाणारी गाडी भरधाव वेगात होती.

हे देखील पाहा-

गाडीवरील नियंत्रण सुटून विरुद्ध दिशेने येणाऱ्या गाडीला जोरदार धडकली आहे. हा अपघात इतका भीषण होता की दोन्ही गाड्यांचा जागेवरच चुराडा झाला आहे. या अपघातात एका गाडीचा चालक आणि एका पादचाऱ्याचा जागीच मृत्यू झाला आहे. तसेच दुसऱ्या कारमधील ३ जण गंभीर जखमी झाले आहेत.

Edited By- Digambar Jadhav