मुंबई - मंत्री हसन मुश्रीफ Hasan Mushrif यांच्या तथाकथित घोटाळ्याची अधिक माहिती मिळविण्यासाठी मुंबई Mumbai हुन कोल्हापूरकडे निघालेले किरीट सोमय्या सकाळी पहाटे 4 वाजता कऱ्हाड मध्ये उतरले. कोल्हापूर जिल्हाबंदीची नोटीस Notice किरीट सोमय्या Kirit Somaiya यांना बजावण्यात आली होती. कोल्हापूर Kolhapur जिल्ह्याचे अप्पर पोलीस अधीक्षक तिरुपती काकडे किरीट सोमय्या ज्या महालक्ष्मी एक्स्प्रेसने कोल्हापूर कडे निघाले होते त्या गाडीत पुण्यामध्येच दाखल झाले.

हे देखील पहा -

किरीट सोमय्या यांच्याशी चर्चा करत अप्पर पोलीस आयुक्त यांनी किरीट सोमय्या यांना कोल्हापूर जिल्हाबंदीची नोटीस देत कऱ्हाड मध्ये उतरण्याची विनंती केली. यानंतर किरीट सोमय्या हे कऱ्हाड मध्ये उतरले.

दरम्यान, पोलिसांनी किरीट सोमय्या यांना सर्किट हाऊस येथे थांबवले आहे. आज ९ ते ९.३० वाजेच्या सुमारास किरीट सोमय्या हे पत्रकार परिषद घेणार आहे. मंत्री हसन मुश्रीफ यांनी आणखी एक घोटाळा केल्याचा आरोप किरीट सोमय्या पत्रकार परिषदेत करणार असल्याची माहिती समोर आली आहे. किरीट सोमय्या यांना पत्रकार परिषदे नंतर पोलिसांकडून मुंबई मध्ये सोडण्याची व्यवस्था करण्यात आली आहे. दरम्यान ठाकरे सरकारने आपल्याला रोखण्याचा प्रयत्न केला असला तरीही दोन दिवसांनंतर कोल्हापूर दौरा करेल असे किरीट सोमय्या म्हणाले आहेत.

Edited By - Shivani Tichkule