पुणे: पुण्यात केंद्रीय मंत्री स्मृती इराणी यांच्या कार्यक्रमात मोठा गोंधळ झाला. पुण्याच्या (pune) बालगंधर्व मंदिरात स्मृती इराणी (Smriti Irani) यांच्या उपस्थितीत पुस्तक प्रकाशनाचा कार्यक्रम सुरू असताना राष्ट्रवादीच्या (NCP) महिला कार्यकर्त्यांनी घुसून घोषणाबाजी केल्याची घटना घडली. यावेळी राष्ट्रवादीच्या महिला कार्यकर्त्या वैशाली नागवडे यांना मारहाण (Beating) करण्यात आली.

हे देखील पाहा-

अमित शाह (Amit Shah) यांच्या आयुष्यावर आधारित एका पुस्तकाच्या प्रकाशनासाठी केंद्रीय मंत्री स्मृती इराणी पुण्यात आल्या होत्या. या कार्यक्रमावेळी राष्ट्रवादीच्या नेत्यांनी आंदोलन केले आहे. यानंतर भाजपा आणि राष्ट्रवादीचे कार्यकर्ते आमने- सामने आले. यामध्ये मोठा गोंधळ निर्माण झाला. राष्ट्रवादी नेत्या वैशाली नागवडे यांना मारहाणही करण्यात आली. त्याचा व्हिडीओ व्हायरल झाल्यावर राजकीय नाट्य रंगले आहे.

पुण्यात भाजपच्या ३ कार्यकर्त्यांविरोधात तक्रार दाखल झाली असून राष्ट्रवादीच्या काही जणांवरही तक्रार देण्यात आली आहे. या प्रकरणावर सुप्रिया सुळेंनी (Supriya Sule) यावेळी भाष्य केले आहे. राष्ट्रवादीच्या महिला पदाधिकाऱ्यावर हात उगारणाऱ्या भाजपला सुळे यांनी चांगलेच सुनावले आहे. हे राज्य शाहू, फुले आंबेडकरांचे आहे. त्यामध्ये महिलांवर झालेले अन्याय आम्ही सहन करणार नाही, असे त्यांनी यावेळी सांगितले. आम्हाला गरज पडली तर, कोर्टात जाऊ आणि ऐकायला तयार नसतील तर अशा लोकांचे हात तोडून हातात देऊ, असे सुप्रिया सुळेंनी इशारा दिला आहे.

Edited By- Digambar Jadhav