गोपाळ मोटघरे, अश्विनी जाधव केदारी

पुणे - अलंकार पोलीस (Police) स्टेशनच्या हद्दीमध्ये एक अतिशय धक्कादायक घटना घडली आहे. घरात विद्यार्थ्याला शिकवणी शिकवायला आलेल्या शिक्षिकेचे व्हिडिओ अल्पवयीन विद्यार्थ्याने आपल्या मोबाईल मध्ये कैद केला आहे. १६ वर्षाच्या अल्पयीन विद्यार्थ्याने आपल्याच घरातील वॉशरूम मध्ये मोबाईल ठेवून शिक्षिकेचे व्हिडिओ आपल्या मोबाईल (Mobile) कॅमेरामध्ये कैद केला आहे. शिक्षिकेचा (Teacher) व्हिडिओ रेकॉर्ड करण्यासाठी विद्यार्थ्यानेच वॉशरूम मध्ये मोबाईल फोन लपवून ठेवल्याचं पोलीस तपासात उघडकीस आल आहे.

हे देखील पहा -

तसेच शिक्षिका विद्यार्थ्याला घरी शिकवत असताना अल्पयीन विद्यार्थ्याने शिक्षिकेच्या छातीचा व्हिडिओ आपल्या कॅमेऱ्यात कैद केल्याचं पिडीत शिक्षिकेने आपल्या फिर्यादीत लिहिलं आहे. या प्रकरणात पीडित शिक्षिकेच्या फिर्यादीवरून पुण्यातील अलंकार पोलीस स्टेशन मध्ये अल्पवयीन मुलाविरोधात विनयभंग आणि आयटी अ‍ॅक्ट नुसार गुन्हा दाखल करण्यात आला आहे. मात्र या घटनेमुळे शिक्षणाचं माहेरघर समजल्या जाणाऱ्या पुणे शहरात एकच खळबळ उडाली आहे.