मुंबई : मागील अनेक दिवसांपासून सुरू असलेला एसटी कामगारा़च्या विलनीकरणाचा लढा बेकायदेशीर असल्याचा निर्णय कामगार न्यायालयाने (Labor Court) दिला आहे. कामगारांनी संप पुकारल्यामुळे ST चे चाक था़ंबले होते. यात राज्यशासनाचे आर्थिक मोठं नुकसान तर झालेच मात्र नागिकांचीही मोठ्या प्रमाणात गैरसोय झाली आहे. हा संप बेकादेशीर (Illegal) ठरविण्यासाठी महामंडळ प्रशासनाने मुंबईसह राज्यभरातील सर्व कामगार न्यायालयात तक्रार दाखल केल्या आहेत.

पहा व्हिडीओ -

यासंदर्भात मुंबईच्या कामगार न्यायालयात (Labor Court of Mumbai) दाखल केलेल्या तक्रारीवर आज सोमवार, दि.17 जानेवारी 2022 रोजी सुनावणी झाली असता न्यायालयाने विलिनीकरणाच्या मागणीसाठी ST कामगारांनी पुकारलेला संप बेकायदेशीर ठरवला आहे. या निर्णयामुळे महामंडळाला मोठा दिलासा मिळाला असून प्रशासनाने आतापर्यत कामगारांविरोधात केलेल्या निलंबन, सेवासमाप्ती तसेच बडतर्फ सारख्या कारवाया वैध ठरणार आहेत. कामगार न्यायालयात एसटी महामंडळाच्यावतीने ॲड. गुरुनाथ नाईक जोरदार युक्तिवाद करत प्रशासनाची बाजू भक्कमपणे मांडली.

विशेष म्हणजे यापूर्वी औद्योगिक न्यायालयाने देखील २९ ऑक्टोबर २०२१ रोजीच्या आदेशानुसार कामगारांनी कोणत्याही बेकायदेशीर संपावर जाऊ नये असे निर्देश दिले होते. तरीही कामगारांचा संप सुरुच होता मात्र आता न्यायालयानेच हा संप बेकायदेशी ठरवला आहे.

Edited By - Jagdish Patil