उल्हासनगर - उल्हासनगरात युवा सेनेकडून धर्मवीर चित्रपटाच्या विशेष शो चं आयोजन करण्यात आलं होतं. यावेळी धर्मवीर आनंद दिघे यांच्या पोस्टरला कार्यकर्त्यांकडून दुग्धाभिषेक घालण्यात आला. शिवसेनेचे (Shivsena) दिवंगत ठाणे जिल्हाप्रमुख आनंद दिघे यांच्या जीवनावर आधारित धर्मवीर चित्रपट आज प्रदर्शित झाला आहे. (Dharmaveer Marathi movie news)

हे देखील पाहा -

उल्हासनगर शहरात युवा सेनेकडून सकाळी नऊ वाजता या चित्रपटाचा विशेष आयोजित करण्यात आला होता. हा चित्रपट पाहण्यासाठी कार्यकर्त्यांनी मोठी गर्दी केली होती. चित्रपट सुरू होण्यापूर्वी धर्मवीर आनंद दिघे यांच्या प्रतिमेचं पूजन करण्यात आलं.

तसंच चित्रपटगृहाबाहेर लावलेल्या त्यांच्या भल्यामोठ्या पोस्टरला कार्यकर्त्यांकडून दुग्धाभिषेक घालण्यात आला. यावेळी धर्मवीर आनंद दिघे हे यांनी दाखवलेल्या वाटेवर आम्ही अजूनही चालत असल्याचं शिवसेना कार्यकर्त्यांनी सांगितलं.

Edited By - Shivani Tichkule