मुंबई: राष्ट्रवादीचे नेते आणि ग्रामविकास मंत्री हसन मुश्रीफ यांच्यावर गंभीर आरोप करणारे किरीट सोमय्या (Kirit Somaiyya) यांना कोल्हापूर (Kolhapur) दौऱ्यावर जाण्यापासून २० सप्टेंबरला पोलिसांनी रोखलं होतं. त्यावेळी हायहोल्टेज ड्रामा पहायला मिळाला. मात्र या घटनेनंतर किरीट सोमय्या यांनी आता अडवणूक करणाऱ्या पोलीसांविरोधात राज्य पोलिस तक्रार प्राधिकरणाकडे तक्रार नोंदवली आहे. या प्रकरणी राज्य पोलीस तक्रार प्राधिकरणाने मुंबई (Mumbai) पोलीस आयुक्त, आझाद मैदान विभागाचे सहाय्यक पोलीस आयुक्त व माता रमाबाई आंबेडकर मार्ग पोलीस ठाण्याचे वरिष्ठ पोलीस निरीक्षक यांना सुनावणीची नोटीस जारी केली आहे. (Somaiya lodged a complaint against the police for preventing him from going to Kolhapur)

हे देखील पहा -

याप्रकरणी पुढील सुनावणी १९ जानेवारीला होणार असल्याची माहिती सूत्रांनी दिली आहे. प्राधिकरणाकडे तक्रार करण्यापूर्वी वरिष्ठ पर्यवेक्षकीय अधिकाऱ्यांकडे याप्रकरणी तक्रार करणे आवश्यक असते. त्यानंतर एक महिन्यांनी कारवाई झाली नाही, तर तक्रारदार याप्रकरणी प्राधिकरणाकडे तक्रार करू शकतो. सोमय्या यांनी यापूर्वी याबाबत कोणत्याही वरिष्ठ पोलीस (Police) अधिकाऱ्याकडे तक्रार केली नव्हती. या तांत्रिक बाबींमुळे त्यांचा अर्ज फेटाळण्यात आला होता. त्यानंतर सोमय्या यांनी उपायुक्त (परिमंडळ-१) कार्यालयात याप्रकरणी तक्रार केली. त्यानंतर त्यांनी याप्रकरणी प्राधिकरणाकडे तक्रार केली. या तक्रारीच्या (Complaint) आधारे प्राधिकरणाने ही सुनावणीची नोटीस जारी केली आहे.

Edited By - Akshay Baisane