Bhiwandi News: ठाण्यातील (Thane) भिवंडीमध्ये शनिवारी 3 मजली इमारत कोसळल्याची (Bhiwandi Building Collapsed) घटना घडली होती. या घटनेत आतापर्यंत 8 जणांचा दुर्देवी मृत्यू झाला आहे. आतापर्यंत 18 जणांना बाहेर काढलं आहे. त्यापैकी 10 जणांना वाचवण्यात NDRF च्या पथकाला यश आलं आहे तर 8 जणांचा मृत्यू झाला आहे. (Latest Marathi News)

सर्व जखमींना उपजिल्हा रुग्णालयात (Hospital) दाखल करण्यात आले असून त्यांच्यावर उपचार सुरु आहेत. इमारत कोसळून ढिगाऱ्याखाली 22 जण अडकले होते त्यापैकी 18 जणांना बाहेर काढण्यात यश आले आहे. या दुर्घटनेप्रकरणी पोलिसांनी (Bhiwandi Police) गुन्हा दाखल करत इमारतीचे मालक इंद्रपाल पाटील यांना ताब्यात घेतले आहे.

नारपोली पोलिसांनी इमारत मालक इंद्रपाल पाटील यांच्याविरोधात भारतीय दंड संहितेच्या कलम 304 (2), 337, 338 आणि 427 नुसार गुन्हा दाखल केला आहे. इंद्रपाल पाटील यांनी 2014 मध्ये ही इमारत बांधली होती. या इमारतीमध्ये अनेक खोल्या या दुकानदार आणि रहिवाशांना भाड्याने देण्यात आल्या होत्या.

महत्वाचे म्हणजे, या कुमकुवत झालेल्या इमारतीवर मोबाईलचा टॉवर उभारण्यात आला होता. या इमारतीत तळ मजला आणि पहिल्या मजल्यावर एका कंपनीचं गोडाऊन होते. तर दुसऱ्या आणि तिसऱ्या मजल्यावर रहिवासी खोल्या होत्या. ज्यामध्ये काही नागरिक भाड्याने राहत होते.

दरम्यान, मुख्यमंत्री एकनाथ शिंदे यांनी या इमारत दुर्घटनेमध्ये मृत्यू झालेल्यांच्या नातेवाईकांना पाच लाखांची मदत जाहीर केली आहे. तर जखमींच्या उपचाराचा खर्च देखील राज्य शासन करेल असे मुख्यमंत्र्यांनी सांगितले आहे. मुख्यमंत्र्यांनी रात्री अकरा वाजता घटनास्थळाला भेट देत पाहणी केली होती. यावेळी त्यांनी इमारतीच्या ढिगार्‍याखाली (building collapse) अडकलेल्या नागरिकांना सुखरूप बाहेर काढण्यासाठी प्रयत्न करावे अशा सूचना बचाव पथकाला दिल्या होत्या.