कल्याण : राज्यात महिला अत्याचारांची मालिका संपायचं नाव घेताना दिसत नाहीय. राज्यात गेल्या काही दिवसांपासून सातत्याने अल्पवयीन मुलींवरील अत्याचाराच्या घटना समोर येत आहेत. त्यामुळे राज्यात कायदा सुव्यस्थेचा पुरता बोजवारा उडाल्याचे चित्र निर्माण झाले आहे. आज कल्याण शहरात एका 6 वर्षीय अल्पवयीन मुलीचा 51 वर्षीय इसमाने  विनयभंग  केल्याचा संतापजनक प्रकार कल्याण पूर्व परिसरात उघडकीस आला आहे.

हे देखील पहा :

पीडितेच्या कुटुंबीयांच्या तक्रारीनुसार कोळसेवाडी पोलिस ठाण्यात माधव सांतरा या नराधमाविरोधात पॉक्सो कायद्याअंतर्गत  गुन्हा दाखल करत  त्याला अटक करण्यात आली आहे. माधव असे या इसमाचे नाव असून त्याचे याच परिसरात दुकान आहे.

काल संध्याकाळी पीडित 6 वर्षीय मुलगी त्याच्या दुकानात चिप्स घेण्यासाठी गेली होती. याच दरम्यान माधवने या चिमुकली सोबत लगट करण्याचा प्रयत्न केला. घाबरलेल्या या चिमुकलीने घडलेला प्रकार आपल्या कुटुंबियांना सांगितला. पीडितेच्या कुटुंबीयांनी याप्रकरणी पोलिस ठाण्यात तक्रार नोंदवली या तक्रारीनुसार पोलिसांनी माधवला अटक करण्यात आली आहे.

Edited By : Krushnarav Sathe