डोंबिवली : डोंबिवली (Dombivli) पूर्व भागातील दावडी येथील शिवशक्ती नगर परिसरात ओम रेसिडेन्सी बी विंगमध्ये राहणारे किशोर शिंदे सकाळी कामावर गेले होते. दरम्यान त्यांची पत्नी सुप्रिया ही घरात एकटीच होती आणि मुलगा दुपारी साडे बारा वाजता शाळेत गेला होता. संध्याकाळी किशोर हे कामावरुन घरी परतले. तेव्हा पत्नी घरात नव्हती आणि त्यांनी तिचा शोध घेतला असता ती कुठेही आढळून आली नाही. (Shocking incident in Dombivli; Woman's body found in sofaset)

हे देखील पहा :

मित्र मंडळी नातेवाईकांसह सगळीकडे विचारपूस केली होती. तरी कुठे गेली आहे हे समजून आले नाही. याच दरम्यान काही शेजारी आणि नातेवाईक घरात आले. किशोर हे पत्नी हरविल्याची तक्रार देण्यासाठी मानपाडा पोलिस (police) ठाण्यात पोहचले होते. दरम्यान शेजाऱ्यांना सोफा (Sofa set) विस्कटलेल्या अवस्थेत दिसून आला आणि त्यांनी तो सोफा चाचपला. त्यावेळीच त्यांना धक्का बसला. कारण सुप्रिया हिचा मृतदेह (Death Body) सोफ्यात कोंबून ठेवला होता. सुप्रिया हिची गळा आवळून हत्या करण्यात आली होती.

सिनिअर पीआय शेखर बागडे, पोलिस निरिक्षक अनिल पडवळ आणि पोलिस अधिकारी अविनाश वनवे यांनी घटनास्थळी धाव घेतली. दरम्यान, आता सुप्रिया हिचा मृतदेह शवविच्छेदनाकरीता पाठविण्यात आला आहे. अखेर तिची हत्या (Murder) कोणी व कशा करीता केली?  तिच्यासोबत काही गैर प्रकार झाला आहे का?  याचा तपास पोलिस करीत आहेत. या प्रकरणात काही जणांना ताब्यात घेऊन पोलिसांकडून विचारपूस सुरु आहे.

Edited By : Krushnarav Sathe