पुणे: राज्यात शिवसेना (ShivSena) विरुद्ध शिंदे गट राजकीय संघर्ष पेटला आहे. त्यामुळे दोन्ही गटाचे कार्यकर्ते चांगलेच आक्रमक झाले आहे. त्याचे पडसाद आता उमटू लागले आहेत. काल पुण्यातील कात्रजमध्ये शिंदे गटाचे आमदार, माजी मंत्री उदय सामंत यांच्या वाहनावर हल्ला झाला आहे. हा हल्ला शिवसैनिकांनी केल्याचा आरोप होत आहे. या प्रकरणी आता हिंगोली जिल्हा संपर्क प्रमुख बबनराव थोरात यांना पोलिसांनी ताब्यात घेतले आहे.

चिथावणीखोर वक्तव्य केल्याप्रकरणी जिल्हा संपर्क प्रमुख बबनराव थोरात यांना काळाचौकी पोलिसांनी ताब्यात घेतले आहे. त्यांना पुणे पोलिसांच्या (Police) ताब्यात देण्यात आले आहे. थोरात यांनी हिंगोलीतील निष्ठा मेळाव्यात १ ऑगस्ट रोजी ‘‘जो कोणी गद्दरांची पहिली गाडी फोडेल त्याचा उध्द्वव ठाकरे यांच्याहस्ते बहूमान करण्यात येईल, असे चिथावणीखोर वक्तव्य केले होते.

या आवाहनानंतर संतप्त शिवसैनिकांनी (ShivSena) पुण्यात उदय सामंत यांच्या गाडीवर दगडफेक केली. याचवेळी शिवसेना नेते आदित्य ठाकरे व मुख्यमंत्री एकनाथ शिंदे हेही पुणे दौऱ्यावर होते. या घटनेमुळे परिसरात काही काळ तणावाचे वातावरण होते.

दरम्यान, या प्रकरणी पुणे शहरात कोथरूड पोलीस ठाणे येथे कलम 307, 353, 332, 109,143, 147, 148, 149, 427, 504, 506 भादवि सह कलम 37(1)(3), 135 मपोका. (भारती विद्यापीठ पोलीस ठाणे गु.र.क्र. 513/22) अन्वये दाखल केला असून, काळाचौकी पोलिसांनी थोरातांचा ताबा पुणेच्या कोथरूड पोलिसांच्या (Police) ताब्यात देण्यात आले.

तोडफोड प्रकरणी पुणे पोलिसांनी शिवसैनिकांना केली अटक

उदय सावंत हल्या प्रकरणी कोथरुड पोलिसांत (Police) गुन्हा दाखल नोंद झाला होता. पुणे शिवसेना शहर प्रमुख संजय मोरे यांच्यासह पाच जणांवर भारती विद्यापीठ पोलीस ठाण्यात गुन्हा दाखल करण्यात आला होता. या प्रकरण संजय मोरे यांनी ट्विट केले आहे.