मुंबई : राज्यातील राजकारणातील सर्वात मोठी बातमी समोर आली आहे. तब्बल 40 आमदारांनी महाविकास आघाडीचा (Shivsena) पाठिंबा काढला असल्याचा दावा शिंदे गटाने दाखल केलेल्या याचिकेत करण्यात आला आहे. महाविकास आघाडी सरकारचा पाठिंबा काढून घेतल्याचं एकनाथ शिंदे (Eknath Shinde) गटानं जाहीर केलं आहे. शिंदे गटानं दाखल केलेल्या याचिकेवर सर्वोच्च न्यायालयात सुनावणी सुरू आहे. त्यावेळी 40 आमदारांच्या गटानं सरकारचा पाठिंबा काढला असल्याचं शिंदे गटानं स्पष्ट केलं आहे. (Eknath Shinde Latest News)

एकनाथ शिंदे यांनी शिवसेनेच्या 40 हून आमदारांसह बंड पुकारलं आहे. त्यामुळे शिवसेना आता शिंदे गटाच्या 16 आमदारांना नोटीस बजावली आहे. या आमदारांनी 48 तासात आत नोटीशीला उत्तर दिलं नाही तर, त्यांना निलंबीत करण्यात येईल असं शिवसेनेकडून स्पष्ट करण्यात आलं आहे. दुसरीकडे विधानसभा अध्यक्षांनी आमदारांना संध्याकाळी 5 वाजेपर्यंत उत्तर देण्याची वेळ केली आहे. विधानसभेच्या नियमानुसार त्यासाठी 7 दिवसांचा वेळ द्यावा लागतो. पण, उपाध्यक्षांनी फक्त 2 दिवसांचा वेळ दिला. त्यामुळे उपाध्यक्षांच्या नोटीसीला स्थगिती द्यावी, अशी मागणी शिंदे गटानं केली आहे.

सुप्रीम कोर्टात आज जस्टीस सूर्यकांत आणि जस्टीस पारडीवाला यांच्या बेंच समोर सुनावणी सुरू आहे. या प्रकरणाच्या सुनावणीत उपसभापती, राज्य विधानसभेचे सचिव, महाराष्ट्र सरकार, शिवसेनेचे उपनेते अजय चौधरी, शिवसेनेचे सुनील प्रभू आदींचा समावेश आहे. तसेच बंडखोरी केलेल्या आमदारांच्याकडून ज्येष्ठ वकील हरीश साळवे मांडत आहेत. तसेच शिवसनेकडून ज्येष्ठ वकील अभिषेक मनु सिंघवी युक्तिवाद करतआहेत.

दरम्यान, शिंदे गटानं दाखल केलेल्या याचिकेवर सर्वोच्च न्यायालयात सुनावणी सुरू आहे. त्यावेळी 38 आमदारांच्या गटानं सरकारचा पाठिंबा काढला असल्याचं शिंदे गटानं स्पष्ट केलं आहे. शिंदे गटाच्या या दाव्यानंतर महाविकास आघाडी सरकारकडं 115 आमदाराच उरले आहेत.त्यामुळे विधानसभेत बहुमत सिद्ध करण्यासाठी त्यांना कसरत करावी लागणार आहे. विधानसभेत बहुमत सिद्ध करण्यासाठी 144 आमदारांचा पाठिंबा आवश्यक आहे. त्यामुळे आता मविआ सरकार अडचणीत सापडलं आहे.