Shivsena Dasara Melava : शिवसेनेच्या (Shivsena) दसरा मेळाव्याबाबत मुंबई उच्च न्यायालयात आज सकाळपासून सुनावणी सुरु आहे. दादर येथील शिवाजी पार्कवर दसरा मेळावा घेण्यासाठी मुंबई महापालिकेने (Mumbai) दोन्ही गटांना परवानगी नाकारली आहे.

पालिकेने परवानगी नाकारल्यानंतर दोन्ही गटांनी मुंबई उच्च न्यायालयात धाव घेतली होती. याच प्रकरणावर आज न्यायालयाने सुनावणी वेळी शिंदे गटाचे आमदार सदा सरवणकर यांची याचिका फेटाळली आहे. त्यामुळे आता शिंदे गटाचे शिवाजी पार्कवर दसरा मेळावा घेण्याचं स्वप्न भंगलं आहे.

पाहा व्हिडीओ -

शिवाय यावेळी न्यायालयाने कायदा आणि सुव्यवस्थेचा मुंबई महापालिकेने दिलेलं कारण योग्य असल्याचं म्हटलं आहे. शिवाय या प्रकरणावरील अद्याप सुनावणी संपली नसली तरी शिंदे गटाचे आमदार सदा सरवणकर यांची याचिका कोर्टाने फेटाळल्यामुळे हा शिंदे गटासाठी मोठा धक्का असल्याचं बोललं जात आहे.