Ambernath News : अंबरनाथ येथे शिवसेनेने खासदार संजय राऊत (mp sanjay raut) यांच्या प्रतिकात्मक फोटोला जाेडे माराे आंदाेलन (aandolan) छेडले. माध्यमांनी खासदार श्रीकांत शिंदे (mp shrikant shinde) यांच्या विषयी प्रश्न विचारला असताना खासदार राऊत थुंकले. त्यांच्या या कृतीवर (sanjay raut spitting) शिवसेना (shivsena) आक्रमक झाली आहे. राज्यभरात सेनेचे कार्यकर्ते राऊत यांच्या विराेधात आंदाेलन छेडू लागलेत. (Maharashtra News)

संजय राऊत यांना पत्रकार परिषदेत पत्रकारांनी खासदार श्रीकांत शिंदे यांच्याबाबत प्रश्न विचारताच राऊत हे चक्क थुंकले होते. हा प्रकार अतिशय असभ्य आणि राजकीय आचारसंहितेत न बसणारा असल्याची टीका यानंतर होऊनही राऊत यांनी माफी मागितली नव्हती.

त्यामुळं आज अंबरनाथमध्ये शिवसेनेचे आमदार डॉ. बालाजी किणीकर यांच्या नेतृत्त्वाखाली शिवसैनिकांनी संजय राऊत यांच्या फोटोला जोडे मारो आंदोलन केलं. संजय राऊत हा शिवसेनेची भाकरी खाऊन राष्ट्रवादीची चाकरी करणारा माणूस असल्याची टीका यावेळी शिवसेना आमदार डॉ. बालाजी किणीकर यांनी केली.

अंबरनाथच्या छत्रपती शिवाजी महाराज चौकात झालेल्या या आंदोलनाला शिवसेनेचे माजी नगराध्यक्ष सुनील चौधरी, माजी नगरसेवक सुभाष साळुंके, शैलेश भोईर, वनिता वाघ यांच्यासह अनेक पदाधिकारी आणि कार्यकर्ते उपस्थित होते.

Edited By : Siddharth Latkar