वसई/विरार: नालासोपारा पूर्व नगीनदास पाडा मधिल पूर्व शिवसेना (Shivsena) शाखा प्रमुख गणेश मेधेकर यांचा मुलगा सागर मेधेकर याने एका व्यक्तीला करण नसताना बेदम मारहाण केल्याची धक्कादायक घटना घडली आहे. केवळ किरकोळ वादातून सागर मेधेकर यानी अब्दुल हाफिज नावाच्या व्यक्तीला बेदम मारहाण केल्याची घटना समोर आली आहे.

हे देखील पहा -

शिवसेना पूर्व शाखा प्रमुख यांचा मुलगा रिक्षा चालक आहे.अब्दुल हाफिज हे आपल्या मुलाला ट्युशन क्लास मधून घरी परत घेऊन जात असताना सागर मेधेकर यांनी हाफिज यांना रिक्षाने धडक दिली. मात्र हाफिज यांनी मेधेकर याला विचारना केली असल्याच्या रागातून सागर मेधेकर याने हाफिज यांना बेदम मारहाण केली आहे.

अब्दुल हाफिज यांना गंभीर दुखापत झाली असून त्यांना नजीकच्या नालासोपारा मधिल वसई विरार महापालिकेच्या रुग्णालयात उपचारासाठी दाखल करण्यात आले आहे. या संदर्भात आरोपी सागर मेधेकर याला तुलिंज पोलीसांनी अटक केली असून पुढील कारवाई सुरू आहे.

Edited By - Shivani Tichkule