मुंबई: धारावी (Dharavi) परिसरात घरात एकटी असलेल्या १९ वर्षीय विवाहितेवर (Married Women) चाकूचा धाक दाखवून अत्याचार (Sexual Assault) केल्याची संतापजनक घटना घडली आहे. दिवसा-ढवळ्या हा प्रकार घडल्याने परिसरात खळबळ उडाली आहे. (Mumbai Crime News in Marathi)

मंगळवारी दुपारी विवाहित महिला पोटमाळ्यावर झोपलेली असताना तिचे सासरे दरवाजाला कडी न लावताच घराबाहेर पडले. त्यानंतर दुपारी ४ :३० च्या दरम्यान दोन अनोळखी व्यक्तींनी घरात शिरून दोघांनीही पोट माळ्यावर झोपलेल्या विवाहितेला चाकूचा धाक दाखवला. (Sexual Assault on a married woman in fear of a knife; Video made by unknown accused)

दोन्ही आरोपींमधील एका आरोपीने विवाहितेवर अतिप्रसंग करण्याचा प्रयत्न केला. तर दुसरा व्यक्ती मोबाइलवर व्हिडिओ बनवत असल्याचे विवाहितेने सांगितले. ओळख लपवण्यासाठी दोघांनीही तोंडाला रुमाल बांधला असल्याचे विवाहितेने तक्रारीत म्हटले आहे.

या प्रकरणी धारावी पोलिस ठाण्यात दोन अनोळखी व्यक्तींविरोधात भारतीय दंड विधान संहितेच्या कलम 376,376 (डी),425, 354,(ए) 354(बी), 354(डी), 506(2), भादवि सह कलम 67,67 (अ),66(इ ) माहिती तंत्रज्ञान अधिनियम 2000 अंतर्गत गुन्हा दाखल करून पोलिस त्यांचा शोध घेत आहे.

Edited By - Akshay Baisane