सागर आव्हाड, पुणे प्रतिनिधी

Pune Parvati MHADA colony suicide case : मुंबई इमारत दुरूस्ती मंडळात कार्यरत असलेले वरिष्ठ लिपिक नितीन साळवे यांनी म्हाडा कॉलनीतील आपल्या घरात आयुष्याचा दोर कापला आहे. ४५ वर्षाच्या साळवे यांनी पुण्यातील पर्वतीमधील लक्ष्मीनगर येथे असलेल्या म्हाडा कॉलनीत गळफाश घेऊन आत्महत्या केली. साळवींच्या जाण्याने पुण्यात खळबळ उडाली आहे. पोलिसांकडून या घटनेची नोंद करण्यात आली. या घटनेने पुण्यातील सहकारी व सामाजिक वर्तुळात हळहळ व्यक्त होत आहे.

४५ वर्षाच्या साळवे यांनी आयुष्याचा दोर का कापला? याबाबत पर्वती पोलीस ठाण्याकडून अधिक तपास करण्यात येत आहे. प्राथमिक माहितीनुसार, घरगुती वादाला कंटाळून वरिष्ठ लिपीक नितीन साळवे यांनी आत्महत्या केल्याचे बोलले जातेय. शनिवारी दुपारी चार वाजता साळवे यांनी पुण्यातील राहत्या घरी गळफास घेत आयुष्याचा दोर कापला. या घटनेनं नितीन साळवे यांच्या कुटुंबावर दुखाचा डोंगर पसरला.

नितीन साळवे हे मुंबई इमारत दुरुस्ती मंडळात वरिष्ठ लिपीक म्हणून कार्यरत होते. शनिवारी दुपारी त्यांनी घराचा दरवाजा अनेक तासानंतरही उघडला नाही. त्यामुळे शेजाऱ्यांना संशय आला. स्थानिकांनी याबाबत पोलिसांना कळवले. पोलिसांनी तात्काळ घटनास्थळाकडे धाव घेतली. पोलिसांनी घटनास्थळी धाव घेतली असता साळवे हे गळफास घेतलेल्या अवस्थेत आढळले. त्यांना तातडीने ससून रुग्णालयात हलविण्यात आले, मात्र उपचारापूर्वीच त्यांचा मृत्यू झाल्याचे डॉक्टरांनी घोषित केले.

प्राथमिक तपासात घरगुती वादामुळे मानसिक तणाव निर्माण झाल्याचे समोर आलेय. तरीसुद्धा आत्महत्येचे नेमके कारण शोधण्यासाठी पोलिसांनी पंचनामा करून सविस्तर तपास सुरू केला आहे. साळवे यांचा मृतदेह पोस्टमार्टमसाठी पाठवण्यात आला. या घटनेने परिसरात हळहळ व्यक्त होत असून, पर्वती पोलीस ठाण्याकडून पुढील तपास सुरू आहे.