विरार : विरार पश्चिम आगाशी येथे झालेल्या अपघातात बूटपाॅलिश करणा-या रामचंद्र हरिनाथ पटेल (वय ५४) यांचा मृत्यू झाला. प्राथमिक माहितीनूसार सायकल स्वार पटेल यांना दुचाकीने धकड दिल्याने त्यांचा मृत्यू झाला. तर दुचाकीवरील दाेघांना (holi festival) रंगाचा फुगा लागल्याने त्यांचे लक्ष विचलीत झाले आणि अपघात (accident) घडला. या अपघाताची चाैकशी अर्नाळा (arnala) पोलिस करीत असून त्यांनी दुचाकीस्वारांना ताब्यात घेतले आहे. (virar latest marathi news)

फुगे मारण्यावर बंदी असतानाही होळीच्या सणाच्या वेळी अनेक जण रस्त्यावर जाणाऱ्यांना फुगे मारून आपला आनंद साजरा करत असतात. पण त्यामुळे अनेकांना दुर्घटनेचे बळी व्हावे लागत आहे. अशीच एका घटना गुरवारी आगाशी चाळपेठ परिसरात घडली आहे. बूटपॉलिशचे दुकान बंद करून होळी साजरी करण्यासाठी घरी चाललेल्या रामचंद्र हरिनाथ पटेल यांच्या बाबतीत घडली आहे. रामचंद्र सांयकाळी पाच वाजताच्या सुमारास विरारवरून चाळपेठच्या दिशेने जात असताना शेजारून होळीसाठी गेलेल्या एका वाहनातून काही मुले फुगे मारत होते. यातील एक फुगा अर्नाळा ते विरारच्या दिशेने दुचाकीवरून येणाऱ्या मुलांना लागला. त्यामुळे मुलांचे दुचाकीवरील नियंत्रण सुटले आणि सायकल वरील रामचंद्र यांना जावून धडकले. यात रामचंद्र यांचा जागीच मृत्यू झाला.

या घटनेची माहिती मिळताच अर्नाळा पोलिसांनी घटनास्थळी धाव घेत रामचंद्र यांचा मृतदेह ताब्यात घेतला. या घटनेतील दुचाकीस्वार हे अर्नाळा गावातील असून त्यांची कसून चाैकशी सुरु असल्याची माहिती अर्नाळा पोलीस ठाण्याचे वरिष्ठ पोलीस निरीक्षक राजू माने यांनी दिली.

Edited By : Siddharth Latkar