नितीन पाटणकर, साम टीव्ही प्रतिनिधी

पुणे : आगामी विधानसभा निवडणुकीच्या पार्श्वभूमीवर ठाकरे गटाने जोरदार तयारी सुरु केली आहे. पुण्यात उद्धव ठाकरे यांच्या प्रमुख उपस्थितीत पुण्यात शिवसंकल्प मेळावा पार पडत आहे. यामुळे ठाकरे गटाने पुण्यावर विशेष लक्ष केंद्रीत केल्याचं दिसून येत आहे. ठाकरे गटाकडून आयोजित शिवसंकल्प मेळाव्यातून संजय राऊतांनी सत्ताधाऱ्यांवर जोरदार टीका केली. यावेळी राऊत यांनी सत्ताधाऱ्यांच्या टीकेचाही खरपूस समाचार घेतली. 'संकट येऊनही उद्धव ठाकरेंचा हसरा आहे, त्यामुळे महाराष्ट्रात जळफळाट होत आहे, अशा शब्दात ठाकरे गटाचे खासदार संजय राऊत यांनी जोरदार टीका केली.

शिवसंकल्प मेळाव्यातील संजय राऊतांच्या भाषणातील मुद्दे

महाराष्ट्रात सध्या जी आग लागलेली आहे, ती उद्धव ठाकरे यांच्या हसण्यामुळे लागली आहे.

एवढी संकट येऊनही उद्धव ठाकरे यांचा चेहरा हसरा आहे. त्यामुळे महाराष्ट्रात सध्या जळफळाट सुरु आहे.

सुषमाताई तुम्हा विचारले काही जागा मिळाल्या पाहिजेत. काळजी करु नका. यादी तयार आहे.

आतापर्यत अनेकांच्या पालख्या शिवसैनिकांनी वाहिल्या. आता स्वतः साठी लढण्याची वेळ आली आहे.

उद्धव ठाकरे यांनी शिवसैनिकांनी मुलमंत्र दिला आहे, एक तर तू राहशील नाही, तर मी राहील.

एडीआर या संस्थेचा रिपोर्ट आहे. देशातील ५३८ मतदारसंघातील मतदानात गडबड झाली आहे.

या मतदारसंघातील झालेले मतदान आणि मतमोजणी यामध्ये तफावत आहे.

देशभरात भाजपने ५- ६ लाख मते चोरलेली आहेत. त्यामुळे त्यांच्या ३५ जागा वाढल्या आहेत.

'एक तर तू राहशील नाही, तर मी राहील' ही आपली टॅग लाईन आहे. तू जाशील आणि मी राहील, ही आपली जिद्द असली पाहिजे.

बंडखोरांना शिवसेना अशी चोरता येणार नाही.

२८८ उमेदवार ऊभे केले तर, १६० निवडूण आणू.

शब्दाला पक्के आहोत. आपण महाविकास आघाडीत आहोत.

आपण एकत्र निवडणूक लढवणार आहोत.