मुंबई: राज्यसभा निवडणुकीत (Election) महाविकास आघाडीचा भाजपने पराभव केला. महाविकास आघाडीकडे संख्याबळ असूनही महाविकास आघाडीचा पराभव झाला, यावरुन आता राज्यात आरोप- प्रत्यारोप सुरू आहेत. आज शिवसेना नेते संजय राऊत यांनी भाजप (BJP) आणि निवडणूक आयोगावर आरोप केले आहेत. देशातील कोणतीही यंत्रणा स्वतंत्रपणे काम करताना दिसत नाही, असा आरोपही संजय राऊत यांनी केला. (Sanjay Raut Latest Marathi News)

संजय राऊत म्हणाले, आज शिवसेनेचा अयोध्या दौरा होणार आहे. मंत्री आदित्य ठाकरे जाणार आहेत. आम्हाला हनुमान चालीसा शिकवत असेलतर त्यांनी आम्हाला पुस्तक घेऊन शिकवू नये, असा टोलाही राऊत (Sanjay Raut) यांनी लगावला.

परिहन मंत्री अनिल परब यांना काल ईडीचे समन्स आले आहे, यासंदर्भात बोलताना संजय राऊत म्हणाले, देशातील यंत्रणांना कामाला लावले जात आहे. काल काँग्रेसचे राहुल गांधी यांची रात्री १२ वाजेपर्यंत चौकशी केली, विरोधकांचा आवाज दाबण्याचे काम सत्ताधारी करत आहेत, असा आरोप संजय राऊत यांनी भाजपवर केला.

अनिल परब (Anil Parab) यांच्यावर कशापद्धतीने ईडीने केस केली आहे, ही चुकीची आहे. मारुन मुटकून तक्रारी केल्या आहेत. निवडणूक आयोगाने सुहास कांदे यांचे मत याच पद्धताने बाद केले आहे. भाजपने यात निवडणूक आयोगालाही ओढले आहे. आज देशात न्यायालयापासून ते निवडणूक आयोगापर्यंत सर्वच यंत्रणा दबावाखाली आहेत, असंही संजय राऊत म्हणाले.

शिवसेना आमदार सुहास कांदे यांचे मत बाद करण्यासाठी मुंबईतून दिल्लीत कोणी फोन केले, सेनेचे एक मत बाद करण्यासाठी ७ तास प्रयत्न झाले आहेत. निवडणूक आयोगही आता दबावाखाली काम करत आहे, असा आरोप संजय राऊत (Sanjay Raut)यांनी केला. आज शिवसेना अयोध्या दौऱ्यावर जाणार आहे. शिवसेना नेहमी अयोध्येला जात असते. आम्ही याचे राजकारण करत नाहीत, असंही संजय राऊत (Sanjay Raut) म्हणाले.