मुंबई: चांदिवाल आयोगाविरोधात सचिन वाझेने केलेली याचिका बिनशर्त मागे घेतली आहे. वाझेच्या या याचिकेवरुन न्यायालयाने काल त्याला फटकारले होते. त्यानंतर ही याचिका मागे घेण्यात आलीये (Sachin Wazes petition against Chandiwal Commission withdrawn unconditionally).

चांदिवाल आयोगाला (Chandival Commission) दिलेले चार अर्ज फेटाळल्याच्या निर्णयाविरोधात सचिन वाझे (Sachin Waze) याने मुंबई उच्च न्यायालयात याचिका (Petition) दाखल केली होती. मात्र, योग्य माहिती लपवत असल्याबद्दल खंडपीठाने वाझेच्या वकिलांना झापलं. न्यायमूर्ती गौतम पटेल आणि न्यायमूर्ती माधव जामदार यांच्या खंडपीठाचे सचिन वाझेवर ताशेरे ओढले. तसेच, ही याचिका मागे घेण्यास सांगितले होते. त्यानंतर अखेर आज ही याचिका मागे घेण्यात आलीये.

मुंबई उच्च न्यायालयाने वाझेला खडसावले

100 कोटी वसूली प्रकरणाची चौकशी सुरु असलेल्या चांदिवाल आयोगाविरोधात सचिन वाझेने मुंबई उच्च न्यायालयात (Mumbai High Court) याचिका दाखल केली होती. ही याचिका मागे घ्या, अन्यथा कठोर कारवाई करु, असं म्हणत मुंबई उच्च न्यायालयाने वाझेला खडसावले होते. याप्रकरणी आज दुपारी 12 वाजेपर्यंत निर्णय कळवण्याचे निर्देशही त्यांना देण्यात आले होते.

Edited By - Nupur Uppal