मुंबईसह महाराष्ट्रातील २९ महापालिका निवडणुकांची मतमोजणी सुरू आहे. या २९ महापालिकांच्या निवडणुकीत बहुतेक ठिकाणी भाजपने चांगली बाजी मारली आहे. याच २९ महापालिकांच्या निवडणुकासांठी १५ जानेवारी रोजी मतदान पार पडल्यानंतर साम टीव्हीने एक्झिट पोल केला होता. महाराष्ट्रातील आजचा निकाल पाहता साम टीव्हीचा कालचा एक्झिट पोल तंतोतत खरा ठरला आहे.

साम टीव्हीच्या एक्झिट पोलमध्ये २५ वर्षांची मुंबईवरील सत्ता ठाकरे गटाच्या हातून निसटणार असल्याचा दावा केला होता. त्यानंतर आजचा निकाल पाहता मुंबईत महायुतीचे ११५ उमेदवार जिंकून आले आहेत. त्यामुळे मुंबईत महायुतीने बहुमताचा आकडा गाठलाय. मुंबईबाबचा एक्झिट पोल खरा ठरला आहे. पुणे, पिंपरी-चिंचवडमध्येही भाजपची सत्ता येणार असल्याचा पोलमधून दावा करण्यात आला होता. या दोन्ही ठिकाणी भाजपने एकहाती सत्ता मिळवली आहे. महाराष्ट्रातील इतर महापालिकेच्या निवडणुकीबाबतचे अंदाज खरे ठरले आहेत.