कॉक्स अँड किंग्सकडून 110 कोटी रुपयांची फसवणूक; पर्यटन क्षेत्रात मोठं नाव Saam TV
मुंबई/पुणे

कॉक्स अँड किंग्सकडून 110 कोटी रुपयांची फसवणूक; पर्यटन क्षेत्रात मोठं नाव

मे.टुरिझम फायनान्स कॉर्पोरेशन ऑफ इंडियाकडून कर्ज घेऊन ते बुडवल्याप्रकरणी ना.म.जोशी मार्ग पोलिस ठाण्यात हा गुन्हा दाखल करण्यात आला आहे.

सुरज सावंत

मुंबई: पर्यटन क्षेत्रातील अग्रगण्य कंपनी कॉक्स अँड किंग्सकडून (Cox & Kings) 110 कोटी रुपयांची फसवणूक करण्यात आल्याची माहिती समोर आली आहे. या प्रकरणाचा तपास आर्थिक गुन्हे शाखेकडे वर्ग करण्यात आलेला आहे. मे.टुरिझम फायनान्स कॉर्पोरेशन ऑफ इंडियाकडून कर्ज घेऊन ते बुडवल्याप्रकरणी ना.म.जोशी मार्ग पोलिस ठाण्यात हा गुन्हा दाखल करण्यात आला आहे.

मे. टुरिझम फायनान्स कॉर्पोरेशन ऑफ इंडिया लि. चे सहाय्यक उपाध्यक्ष विश्वरुप तिवारी यांनी मुंबई पोलिसांकडे तक्रार केली होती. त्या तक्रारीनुसार, कॉर्पोरेशनच्या वतीने कॉक्स अँड किग्सला डिसेंबर २०११ ते जानेवारी २०१९ या कालावधीत ११० कोटी ४८ लाख रुपयांचे दीर्घ मुदतीच कर्ज देण्यात आले होते. ते कर्जाची रक्कम न देऊन कॉर्पोरेशनचे नुकसान केल्याचा आरोप तक्रारीत करण्यात आला आहे. याप्रकरणी कॉक्स अँड किंग्स लि. अजय अजीत पीटर केरकर यांच्यासह सहा जणांविरोधात याप्रकरणी गुन्हा दाखल करण्यात आला आहे.

आर्थिक गुन्हे शाखा यापूर्वी कॉक्स अँड किंग्स विरोधातील सात गुन्ह्यांचा तपास करत आहे, त्यात गैरव्यवहाराची रक्कम सुमारे २५०० कोटी रुपये आहे. यापूर्वी येस बँक, लक्ष्मी विलास बँक, एचडीएफसी बँक, अॅक्सीस बँक, कोटक महिंद्रा बँक, इंडसइंड बँक व खासगी गुंतवणूकदार कंपनी यांनी तक्रार केली आहे. याप्रकरणी ईडीनेही मनी लॉंडरींगप्रकरणी गुन्हा दाखल केला असून आतापर्यंत तिघांना अटक केली आहे.

Edited By: Pravin Dhamale

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Politics: ठाकरे बंधूंवरून मविआत बिघाडी; मुंबईत कॉग्रेसचा स्वबळाचा नारा?

Mahayuti: महायुतीचं ठरलं! मुंबईत एकत्र,राज्यात स्वतंत्र, विजयाची रणनिती काय?

Cough Syrup: कफ सिरपनं घेतला आणखी एकाचा जीव; दोन चमचे औषध प्यायल्यानंतर महिलेनं सोडला जीव, रुग्णालयातच घडला धक्कादायक प्रकार

Microwave: मायक्रोवेव्हमध्ये अन्न गरम केल्याने होतात 'हे' परिणाम

Shocking : धक्कादायक! दारुच्या नशेत ५ जणांचा घरात घुसून महिलेवर सामूहिक अत्याचार

SCROLL FOR NEXT