मुंबई : राज्यात असणारे सर्व Corona निर्बंध आता हटवण्यात आले आहेत. हा निर्णय एकमताने घेण्यात आल्याची माहिती गृहनिर्माण मंत्री जितेंद्र आव्हाड (Jitendra Awhad) यांनी ट्विटद्वारे दिली आहे. महाराष्ट्राच्या मंत्रीमंडळात आज बैठक सुरु असून कोरोना निर्बंध हटविण्याबाबतचा निर्णय सर्व नेत्यांनी एकमताने घेतला असून येणाऱ्या कोणत्याही सण आणि उत्सहामध्ये कोणत्याही प्रकारचे कोरोना निर्बंध असणार नाहीत असं त्यांनी ट्विटद्वारे सांगितलं आहे.

आव्हाड यांनी ट्विट करताना आता कोणतेही निर्बंध नाहीत आता गुढी पाडव्याच्या मिरवणूक जोरात काढा, रमजान उत्सहात साजरा करा, बाबासाहेबांच्या मिरवणूका जोरात काढा असा उल्लेखही त्यांनी केला आहे.

राज्यात जवळपास मागील गेल्या दोन वर्षांपासून अनेक निर्बंध लादले होते. त्यामध्ये मास्क (Mask) वापरणं देखील सक्तीचं केलं होतं. मात्र आता मास्कबाबत देखील ऐच्छीक निर्णय घेण्याचं स्वातंत्र्य नागरिकांना राज्य सरकारने दिलं असून याबाबत खुद्द राज्याचे आरोग्यमंत्री राजेश टोपे (Rajesh Tope) यांनीच मास्क ची सक्ती नसणार आहे असं सांगितलं आहे.

Edited By - Jagdish Patil