सुशांत सावंत, मुंबई

Government Jobs 2022: स्पर्धा परीक्षेची तयारी करणाऱ्या उमेदवारांसाठी मोठी खूष खबर आहे. राज्यात वैद्यकीय शिक्षण विभागाअंतर्गत साडेचार हजार पदांची भरती करण्यात येणार आहे. वैद्यकीय शिक्षण व संशोधन संचालनालय, आयुष संचालनालय, अन्न व औषध प्रशासन व मानसिक आरोग्य केंद्र अंतर्गत असलेल्या पदांसाठी ही भरती करण्यात येणार आहे. त्यामुळे स्पर्धा परिक्षांची तयारी करणाऱ्यांसाठी ही मोठी संधी आहे. (Government Jobs In Maharashtra)

मिळालेल्या माहितीनुसार, गट-क तांत्रिक / अतांत्रिक व परिचऱ्या संवर्गातील नामनिर्देशनाच्या कोट्यातील पदांची (Government Jobs 2022) भरती करण्यात येणार आहे. यासाठी टीसीएस आयओएन या कंपनीमार्फत होणार भरतीसाठी परीक्षा घेण्यात येणार आहे. सरळसेवेची गट-ब (अराजपत्रित), गट-क तांत्रिक / अतांत्रिक व परिचऱ्या संवर्गातील सुमारे ४५०० पदे भरण्यात येणार आहे. स्वातंत्र्याच्या अमृतमहोत्सवी वर्षानिमित्त ७५ हजार रिक्त पदे भरण्याचा राज्य सरकारचा मानस आहे.

Edited By - Akshay Baisane