भूषण शिंदे

मुंबई - अपक्ष खासदार नवनीत राणा (Navneet Rana) यांना केंद्राच्या वतीने Y सुरक्षा दिल्या नंतर त्यांना असे वाटू लागले आहे की संपूर्ण देशात आणि राज्यात राज करू शकते. तसेच प्रसिध्दी साठी मातोश्री आणि सेना भवन मुख्यमंत्री उद्धव ठाकरे (Uddhav Thackeray) यांच्यावर बोलले जात आहे. पंतप्रधान यांची जागा घेण्यासाठी देखील राणा कंपनी बघत आहेत असे किशोरी पेडणेकर यांनी सांगितले.

हे देखील पहा -

पुढे पेडणेकर म्हणाल्या की, कालचा उत्तर कोल्हापूरचा निकाल ऐकून फार आनंद झाला. मी विजयी उमेदवारांचे अभिनंदन करते. महा विकास आघाडी सरकारची ताकद ही कालच्या निकालावरून स्पष्ट झाली आहे. चंद्रकांत पाटील आधी स्वतः म्हणाले होते की, जर निकाल आमच्या विरोधात लागला तर मी हिमालयात निघून जाईन मग आता कोणी अढवल आहे त्यांनी हिमालयात जावे अशी खोचक टीका किशोरी पेडणेकर यांनी चंद्रकांत पाटील यांच्यावर केली आहे.

पुढे किरीट सोमय्या यांच्या विषयी बोलताना किशोरी पेंडेंकर म्हणाल्या की, हा कायदेशीर विषय आहे. न्यायालयात प्रत्येक वेळी त्यांच्या बाजूने निकाल लागतात. यामुळे शंकेची पाल चुकचुकली. पण चित्र नक्की स्पष्ट होईल असे देखील पेडणेकर यावेळी म्हणाल्या.

Edited By - Shivani Tichkule