रश्मी पुराणिक

मुंबई: काँग्रेसचे नेते आणि राज्यसभा खासदार राजीव सातव (Rajiv Satav) यांचे १६ मे रोजी निधन झाले. त्यानंतर रिक्त झालेली जागेची पोटनिवडणूकीसाठी (By-Election) अर्ज भरण्याची आणि मागे घेण्याची तारीख निवडणूक आयोगाकडून जाहिर करण्यात आली आहे. अर्ज करण्याची तारीख २२ सप्टेंबर २०२१ रोजी सकाळी ११.०० ते दुपारी ३.०० पर्यंत असणार आहे. हा अर्ज महाराष्ट्र विधानमंडळ सचिवालय किंवा सहाय्यक निवडणूक निर्णय अधिकारी यांच्याकडे द्यावा लागणार आहे. आलेल्या नामनिर्देशन पत्रांची छाननी २३ डिसेंबर २०२१ रोजी दुपारी १२ वाजता मुंबईत होणार आहे.

27 सप्टेंबर २०२१ रोजी दुपारी ३ वाजेपर्यंत उमेदवारी अर्ज मागे घेता येणार आहे. जर निवडणूक लढविली गेली तर दिनांक ४ ऑक्टोबर २०२१ पर्यंत सकाळी ९ ते सायंकाळी ४ पर्यंत मतदान होणार आहे. काँग्रेसकडून ओबीसी प्रश्न ऐरणीवर असल्याने ओबीसी उमेदवार देण्याची मागणी करण्यात येत आहे.

काँग्रेसमधून या नेत्यांची नावं चर्चेत आहेत.

रजनी पाटील

मुकुल वासनिक

राजीव शुक्ला

प्रज्ञा सातव

गुलाब नबी आझाद

मिलिंद देवरा

दरम्यान १६ मे रोजी राजीव सातव यांचं निधन झालं होतं. तेव्हापासून राज्यसभेची जागा रिक्त होती. राजीव सातवांना राहूल गांधींचे निकटवर्तीय समजले जात होते.

Edited By: Pravin Dhamale