विधानसभा निवडणूकीत महाराष्ट्र नवनिर्माण सेनेचे अध्यक्ष राज ठाकरे आपल्या मुलाच्या दारुण पराभवाचा वचपा काढण्यासाठी ठाकरेंच्या मैदानात शिंदेच्या उमेदवारांना पाणी पाजण्यासाठी तयार झालेत. आता मुंबई महापालिकेच्या रणांगणांत राज ठाकरेंचा थेट सामना हा शिंदे गटाशी होणार असल्याची शक्यता आहे. शिंदेंना घेरण्याची ठाकरे बंधूंनी रणनिती आखल्याची माहिती सुत्रांनी दिलीये. शिदेंना मुंबईत रोखण्याचा ठाकरेंचा नेमका प्लॅन काय आहे पाहूया

मुंबईत शिवसेनेकडे मनसेची 75 जागांची मागणी

शिंदेसोबत गेलेल्या नगरसेवकांच्या वार्डावर राज ठाकरेंची नजर

भाजप विरोधात शिवसेना तर शिंदेविरोधात मनसे लढत

शिंदेंना मुंबईत घेरण्याचा ठाकरे बंधुचा प्लॅन

एकनाथ शिंदेंनी शिवसेनेत बंड केल्यानंतर आमदार आणि खासदारच नाही तर मोठ्या प्रमाणात शिवसेनेतील नगरसेवकही शिंदेच्या शिवसेनेत सामिल झाले. गेल्या विधानसभेच्या निवडणूकांमध्ये शिंदे गटावर ठाकरेंनी मात करुन मुंबईत चांगली कामगिरी करुनही ठाकरेंनी मनसेला जागा सोडण्याचा निर्णय घेतला असेल तर या मागे ठाकरेंनी भाजप विरोधात शिवसेना ठाकरे गट आणि शिंदेविरोधात मनसे अशी रणनिती निवडणुकांसाठी ठरवल्याच दिसतंय. आता या रणनितीनुसार धनुष्यबाण इंजिनला अडवतं की मशालच्या साथीनं इंजिन वेगात पळत हे पाहणं महत्त्वाचं ठरणारेय.