पुणे : जुलै महिन्यापासून राज ठाकरे यांचे ३ पुणे दौरे झाले आहेत. आज परत एकदा चौथ्यांदा पुण्याला भेट देण्याकरिता आले आहेत. २ दिवसीय दौऱ्यामध्ये राज ठाकरे पक्ष : पदाधिकाऱ्यांबरोबर बैठक घेणार आहेत. शिवाय बाबासाहेब पुरंदरे यांच्या वाढदिवसानिमित्त आयोजित कार्यक्रमामध्ये देखील ते सहभागी होणार आहेत .राज ठाकरे हे ६ ऑगस्टला देखील ते पुणे दौऱ्यावर आले होते.

हे देखील पहा-

यानंतर आज परत एकदा दौऱ्याकरिता पुण्यात दाखल झाले आहेत. गेल्या महिन्यात मनसे अध्यक्ष राज ठाकरे हे ३० जुलै दिवशी पुण्यात दाखल झाले होते. यानंतर आज परत एकदा पुणे दौऱ्यावर येणार असल्याची माहिती मनसेचे पुणे शहराध्यक्ष वसंत मोरे यांनी दिली आहे. त्याअगोदर आठवड्यात राज ठाकरे यांनी पुणे दौरा केला होता.

मनसे अध्यक्ष राज ठाकरे हे १९, २० आणि २१ जुलै अशा ३ दिवसांच्या पुणे दौऱ्यावर होते. या दौऱ्याच्या शेवटच्या दिवशी राज ठाकरेंचा पुढचा पुणे दौराही ठरलेला होता. ८ दिवसांनी म्हणजे ३० जुलैला राज ठाकरे परत होते. त्यानंतर आता राज ठाकरे आज परत एकदा पुणे दौऱ्यावर आले आहेत. आगामी पुणे महापालिका निवडणुकीत यावेळेस मनसे सर्व जागा लढवणार आहे.

त्यात ९० जागांवर मनसेने आपले लक्ष केंद्रीत केल्याचे सांगतानाच ४५ जागा निवडून येणारच असा दावा मनसेचे नेते करत आहेत. दरम्यान, प्रभार रचनेमुळे पक्षाचे नगरसेवक कमी झाले असे मनसे नेते सांगत आहेत. मात्र, शहरात पक्ष संघटनेचा प्रभाव देखील कमी झाला होता.

Edited By- Digambar Jadhav