राज्यात महापालिका निवडणुकांच्या तारखा जाहीर झाल्या असून आता पक्षांतर्गत जागा वाटप सुरु आहे. काही पक्षांच्या जागा वाटप झाल्या आहेत. त्यामुळे पक्षांकडून उमेदवारांना एबी फॉर्म देण्यात आले आहेत. अशातच मनसेच्या प्रवक्त्या आणि माझी नगरसेविका अनिशा माजगावकर मनसेमधून बंडखोरी करत अपक्ष उमेदवारी अर्ज दाखल करणार आहेत. प्रभाग क्रमांक ११४ मधून शिवसेना उद्धव बाळासाहेब ठाकरे पक्षाकडून खासदार संजय पाटील यांच्या कन्या राजीव पाटील यांना उमेदवारी दिली जाण्याची चर्चा आहे. यानंतर वाटाघाटी फीसकटल्यामुळे अखेर अनिशा माजगावकर या अपक्ष लढणार आहेत.

मुंबई महापालिकेच्या निवडणुकीसाठी जागा वाटप पूर्ण झाले असले तरी यादी जाहीर झालेली नाही. जो पर्यंत सर्व उमेदवार अर्ज दाखल करत नाही तो पर्यंत कोणतीही यादी मनसेकडून जाहीर केली जाणार नसून उमेदवारी अर्ज दाखल करण्याच्या शेवटच्या वेळेपर्यंत गुप्तता पाळण्याची मनसेची रणनीती आहे. युतीच्या घोषणेवेळी राज ठाकरे यांनी केलेलं वक्तव्याचा भान ठेवून मनसे नेत्यांकडून सावध भूमिका घेतली जात आहे.