रुपाली बडवे

Mumbai News : मुंबई कालपासून पावसाची जोरदार बॅटिंग सुरु आहे. अनेक सखल भागांमध्ये यामुळे पाणी साचलं आहे. मुंबई पावसाची स्थिती उद्याही अशीच कायम राहण्याचा अंदाज आहे. त्यामुळे मुंबई आणि मुंबई उपनगरातील शाळांना आज सुट्टी जाहीर केली आहे.

मुंबईला बुधवारी रात्री ८ वाजल्यापासून पावसाचा रेड अलर्ट जारी करण्यात आला आहे. हवामान विभागाने दिलेल्या अतिवृष्टीच्या  (Heavy Rain)  इशाऱ्यानंतर मुंबईतील सर्व शाळांना आज सुट्टी जाहीर करण्यात आली असल्याची माहिती शिक्षणमंत्री दिपक केसरकर यांनी विधानपरिषदेत दिली आहे. मुंबईत आज महाविद्यालयांना देखील सुट्टी जाहीर केली आहे.

मुंबई महापालिका आयुक्तांनी मुंबई आणि मुंबई उपनगरातील खाजगी आणि सरकारी शाळांना सुट्टी जाहीर करण्याचा निर्णय घेतला आहे. (Latest News)

मुंबईत जोरदार पाऊस

मुंबईत गेल्या ६ तासांत ( संध्याकाळी ७.४५ वाजेपर्यंत) अत्यंत तीव्र पावसाची नोंद आहे. दुपारपासून ७०-१०० मिमी पाऊस झाल्याचा अंदाज आहे. पुढील ३-४ तास पाऊस असाच सुरू राहण्याची शक्यता असल्याचा अंदाज हवामान विभागाचा आहे. (Maharashtra News)