लोकलने प्रवास करणाऱ्यांसाठी महत्त्वची बातमी आहे. मुंबई उपनगरीय रेल्वे मार्गावरील पश्चिम रेल्वे लाइनवर ३५ तासांचा मेगाब्लॉक घेण्यात येणार आहे. . शनिवार दिनांक २६ एप्रिल दुपारी १ वाजल्यापासून सोमवार २८ एप्रिल मध्यरात्री १२ वाजेपर्यंत कांदिवली आणि बोरीवली स्थानकादरम्यान ब्लॉक घेण्यात येणार आहे.

कांदिवली आणि बोरीवली स्थानकादरम्यान पूल क्रमांक ६१ वर गर्डरिंगच्या काम केलं जाणार आहे. तसेच कारशेड लाइनवरदेखील काम करण्यात येणार आहे. यामुळे अनेक मेल आणि एक्स्प्रेस गाड्यांच्या वाहतुकीवर परिणाम होणार आहे. तर काही लांब पल्ल्याच्या गाड्या रद्द करण्यात आल्यात. काही गाड्या उपनगरीय रेल्वेच्या जलद मार्गावरुन चालवण्यात येणार आहेत. यामुळे लोकल सेवेवरही परिणाम होईल.

ब्लॉकदरम्यान पाचव्या मार्गावर धावणाऱ्या मेल आणि एक्सप्रेस गाड्या जलद मार्गावर वळवल्या जाणार आहेत. प्रवाशांनो २६ एप्रिल रोजी ७३ आणि २७ एप्रिल रोजी ९० लोकल फेऱ्या रद्द करण्यात आल्या आहेत. १६३ लोकल फेऱ्या रद्द असतील. त्यामुळे प्रवाशांना मोठ्या मनस्ताप होऊ शकतं. मेगाब्लॉकदरम्यान पाचव्या रेल्वे लाइनवरील गर्डर, कांदिवली कारशेड लाइन आणि ट्रॅकच्या पूर्वेकडील यार्ड लाइन बदलणे अशा कामांचा समावेश आहे.

हार्बर मार्गावर ब्लॉक, 'या' मार्गावरील ट्रेन बंद

हार्बर रेल्वेवर रात्री रविवारी ब्लॉक घेण्यात येणार आहे. रविवार दिनांक २७.०४.२०२५ रोजी हार्बर मार्गावर आणि विद्याविहार आणि ठाणे दरम्यान ५व्या व ६व्या मार्गावर मेगा ब्लॉक घेण्यात येणार आहे.