सचिन जाधव, साम टीव्ही, प्रतिनिधी

पुण्यातील वाघोली येथे एका भंगार दुकानाला भीषण आग लागल्याची घटना समोर आली आहे. या आगीमध्ये संपूर्ण दुकान जळून खाक झाले. भंगाराच्या दुकानात असलेल्या प्लॅस्टिक व इतर मटरेलमुळे प्रचंड असे धुराचे लोट आकाशात पसरले असल्याचे पाहायला मिळाले. या घटनेची माहिती मिळताच वाघोली पोलीस, पुणे महानगरपालिका व पीएमआरडीए अग्निशमन दल घटनास्थळी दाखल झाले. त्यानंतर लगेचच आग आटोक्यात आणण्यासाठी प्रयत्न सुरु झाले. गेल्या काही दिवसापासून भंगार दुकानांचा विषय ऐरणीवर आला असून यावरती कारवाई करण्याची मागणी स्थानिक नागरिकांनी केली जात आहे. आग कशी लागली याचे कारण अद्याप अस्पष्ट आहे. आग लागण्याचे कारण शोधण्यासाठी पोलिसांनी तपास सुरु केला आहे.