एवढ्या वर्षांपासून विद्यापीठ परिसरात सावित्रीमाईंचा पुतळा नव्हता. महाविकास आघाडी सरकारने निर्णय घेतला व उच्च तंत्रशिक्षण मंत्री उदय सामंत यांनी पुतळा विद्यापीठात कुठे बसवण्यात यावा याची पाहणी केली. अन्न व नागरी पुरवठा मंत्री छगन भुजबळ यांनी या पुतळ्याचे भूमिपूजन केले. तसेच या पुतळ्यासाठी महाविकास आघाडी सरकारकडून निधी देखील मंजूर करण्यात आला. उद्या सावित्रीमाई यांच्या जयंतीनिमित्त राज्यपालांच्या हस्ते पुतळ्याचे अनावरण होणार हा नियोजित कार्यक्रम होता. मात्र, राज्यपाल यांनी हा कार्यक्रम रद्द केल्याने अनावरणाचा कार्यक्रम पुढे ढकलला जात आहे. राज्यपालांना भाजप कार्यकर्ते, अभिनेते-अभिनेत्र्या यांना भेटायला वेळ आहे. मात्र, ज्यांनी स्त्री शिक्षणाची सुरुवात या देशात केली त्या सावित्रीमाईंच्या जयंतीदिनी उपस्थित राहायला वेळ नसेल तर निषेधार्ह बाब आहे. युवासेनेकडून उद्या सावित्रीमाईंच्या पुतळ्यास हार घालून अभिवादन करण्यात येईल.

साविञीबाई फुले पुणे विद्यापीठामध्ये उद्या मुख्य इमारती समोर होणारा पुतळा अनावरण कार्यक्रम राज्यपाल हजर राहू शकत नसल्याने पुढे ढकलण्यात येतोय. मात्र, राज्यपालांच्या अनुउपस्थितीत हा कार्यक्रम होउ शकला नसता का? यापुर्वा विद्यापीठातील पुतळे बसवण्याच्या असा हट्टहास कधी कोणत्या राज्यपालांनी केला नाही. मात्र, ते नाहीत म्हणून उद्या सावित्रीबाईंच्या जयंतीदिनी अनावरण सोहळा रद्द केला जात असेल तर फार दुर्दैवी गोष्ट आहे. राज्यपाल येणार नाहीत म्हणून नियोजित कार्यक्रम करणे योग्य आहे का? प्रत्येक गोष्टीत राज्यपाल हस्तक्षेप करणार असतील तर गंभीर बाब आहे.

राज्यपाल हे भाजप कार्यकर्ते असल्यासारखे काम करत आहेत. नियोजित कार्यक्रम रद्द करून राज्यपाल दुसऱ्या कार्यक्रमासाठी जाणार असतील, उद्या ज्ञानज्योती सावित्रीबाई फुलेंची जयंती असून जर राज्यपालांना वेळ मिळत नसेल तर संतापजनक प्रकार आहे. आम्ही स्वतःहून उद्या या पुतळ्याचे अनावरण करू.

ज्यांना भारतामध्ये क्रांती म्हणुन ओळखल जाते अशा क्रांती ज्योती सावित्रीबाई फुले यांच्या नावाने ओळखल्या जाणाऱ्या सावित्रीबाई फुले पुणे विद्यापीठामध्ये त्यांच्या १८९ व्या जयंतीच्या निमित्ताने, २०१४ ला नामविस्तार होऊन जवळपास ७ वर्षे झाले तरी आता पर्यंत रखडलेल्या पुतळ्याचे अनावरण महामहीम राज्यपाल महोदय पुन्हा लांबणीवर टाकणार असतील तर आम्ही सुजान पुरोगामी विचाराचे विद्यार्थी आणि विद्यार्थी प्रतिनिधी आता वाट बघणार नाही, आता जे होईल ते आपल्या समोर येईलच, धन्यवाद!