Pune : पुण्याच्या शनिवार वाडा परिसरात नमाज पठण करत असल्याचा व्हिडीओ भाजप खासदार मेधा कुलकर्णी यांनी सोशल मीडियावर शेअर केला आहे. मेधा कुलकर्णी यांनी इन्स्टाग्रामवर नमाज पठणाचा व्हिडीओ शेअर केला आहे. या घटनेवरून सकल हिंदू समाज आणि पतित पावन संघटनेने तीव्र निषेध नोंदवला आहे. नमाज पठण झाल्याच्या निषेधार्थ सकल हिंदू समाज आणि पतित पावन संघटना या दोन्ही संघटना आज (१९ ऑक्टोबर) सायंकाळच्या सुमारास शनिवार वाड्याजवळ शिव वंदना करणार आहेत. या संबंधित माहिती देखील मेधा कुलकर्णी यांनी दिली आहे.