पुणे: युट्युब  चॅनल वरील व्हिडियो  पाहून  एटीएम  फोडणाऱ्या चोरट्यांना वाकड पोलिसांनी  गजाआड  केल आहे. महादेव प्रकाश तीर्थे आणि निशांत ज्ञानेश्वर गुजाळकर अशी एटीएम फोडणाऱ्या चोरट्यांची नावं आहेत. महादेव  तीर्थे  आणि निशांत  गुंजाळकर हे एटीएम  फोडत असल्याची दृश्य सीसीटीव्ही कॅमेऱ्यात कैद झाली आहेत. पोलिसांना मिळालेल्या सीसीटीव्ही फुटेजच्या आधारे वाकड पोलिसांनी महादेव तीर्थे आणि निशांत गुजाळकर या दोन्ही एटीएम फोडणाऱ्या चोरट्यांना सापळा लावून अटक केली आहे. या दोन्ही चोरटयांनी मिळून पिंपरी - चिंचवड शहरात जवळपास नऊ एटीएम फोडीचे गुन्हे केल्याची माहिती वाकड पोलिसांनी दिली आहे.

तिकडे नागपूरच्या सदर पोलीस स्टेशन (Nagpur Police) हद्दीतील मोहन नगर भीमसेन चौक येथील ॲक्सिस बँकेचं एटीएम फोडत असलेल्याची माहिती मिळताच नाईट राउंड वर असलेल्या पोलीस उपायुक्त विनिता साहू यांनी तात्काळ कारवाईचे आदेश दिले. पोलिसांनी घटनास्थळी पोहोचून एटीएम फोडण्याची तयारी करत असताना तिन्ही आरोपींना ताब्यात घेतलं आहे. आरोपी स्वप्नील जांभुलकर, आकाश नाईक, प्रवीण लव्हाळे हे तिघे ही मित्र असून यातील प्रवीण लव्हाळे यानी काही दिवस अगोदर प्लॉट खरेदी केला होता, त्यावर बांधकाम करण्यासाठी पैस्याची आवश्यकता होती. एकंदरीतच एटीएम चोरीच्या घटनांनमध्ये वाढ झाल्याचं दिसत आहे.