सचिन जाधव

Pune News: पुण्याात गेल्या दोन दिवसांपासून पावसाची संततधार सुरू आहे. पावसाने शहर आणि धरण क्षेत्रातही कृपा केली आहे. या पावसामुळे धरणसाठ्यात चांगली वाढ झाली आहे. तसेच येत्या काही दिवसांत पुण्यात चांगला पाऊस होणार असल्याचा अंदाज हवामान विभागाने वर्तविला आहे. (Latest Marathi News)

पुण्यात गेल्या दोन दिवसांपासून पावसाने शहर व धरण क्षेत्रावरही कृपा केली आहे. या पावासामुळे धरणातील पाणीसाठ्यात चांगली वाढ झाली आहे. पावसाला जोर नसला तरी देखील हलक्या ते मध्यम स्वरूपाच्या सरींनी पाणीसाठा वाढला आहे. आजही सकाळी ढगाळ वातावरण काही ठिकाणी मध्यम स्वरूपाच्या पाऊस सरी पडत आहेत.

पुण्यातील अनेक रस्त्यांवर पाणी साचत आहे. येत्या काही दिवसांमध्ये चांगला पाऊस होणार असल्याचा अंदाज हवामान खात्याने वर्तविला आहे. तसेच घाटमाथ्यावर मुसळधार पावसाचा इशारा देण्यात आला आहे. यामुळे तिकडे सावधगिरी बाळगण्याचे आवाहनही करण्यात आले आहे.

पुणे शहर व जिल्ह्यात मॉन्सून सक्रिय झालेला आहे. त्यामुळे चांगला पाऊस होत आहे. २०, २४, २५ आणि २६ तारखेला आकाश ढगाळ राहील. मध्यम स्वरूपाचा पाऊस पडेल. घाट माथ्यावर मुसळधार पाऊस होईल.

पुढील आठवड्यात पुण्यासह मध्य महाराष्ट्र आणि मराठवाड्यात मान्सून सक्रिय राहणार आहे. त्यासाठी अनुकूल स्थिती निर्माण झालेली आहे. पुढील आठवड्यात देखील हलक्या ते मध्यम स्वरूपाच्या पावसाचा अंदाज आहे.

पुण्यात पावसाचा जोर कायम राहणार

भारतीय हवामान विभागाने पुढील दोन दिवस राज्यातील अनेक जिल्ह्यांमध्ये मुसळधार ते अतिवृष्टीचा अंदाज वर्तविला आहे. हवामान खात्याने शुक्रवारी पुणे आणि रायगडसाठी रेड अलर्ट दिला आहे.

तर पालघर , ठाणे, मुंबई, सातारा आणि रत्नागिरीसाठी ऑरेंज अलर्ट जारी केला. या जिल्ह्यांमध्ये गेल्या काही दिवसांपासून मुसळधार पाऊस झाला आहे. या जिल्ह्यात शुक्रवारपर्यंत पावसाचा जोर कायम राहण्याचा अंदाज आहे.

पुण्यातील धरणक्षेत्रात पावसाची दमदार हजेरी

पुण्यातील विविध भागात जोरदार पाऊस कोसळत आहे. यामुळे पुणे शहराला पाणी पुरवठा करणाऱ्या चारही धरणांमध्ये पाणीसाठ्यात वाढ होत आहे. पुण्यातील वरसगाव, पानशेत, टेमघर आणि खडकवासला या चारही धरणात यंदा आजच्या तारखेला 41.93 टक्के,तर 12.22 टीएमसी इतका पाणीसाठा जमा झाला आहे.