रुपाली बडवे

Mumbai News : पुण्यातील वाढती गुन्हेगारीचा विषय दिवसेंदिवस गंभीर होत आहे. कोयता गँग, महिलांच्या सुरक्षेचा मुद्दा, वाहनांची तोडफोड अशा अनेक घटनांमुळे पुण्यातील कायदा सुव्यवस्थेचा प्रश्न वारंवार उपस्थित केला जातो. विधीमंडळातही हा मुद्दा उपस्थित झाला आहे.

कसबा पोटनिवडणुकीत विजयी झालेले काँग्रेसचे आमदार रवींद्र धंगेकर यांनी पुण्यातील वाढत्या गुन्हेगारीचा मुद्दा उपस्थित करत गुन्ह्यांची यादीच वाचून दाखवली आहे. पुण्यात गुन्हेगारी वाढते आहे. विद्येच माहेर घर असलेल पुणे आता उडते पुणे म्हणावं लागेल. पब कल्चर वाढल्याने तरुण वर्ग व्यसनाच्या आहारी गेला आहे. (Pune News)

पुण्याची पुरती वाट लागली आहे. पालकमंत्री चंद्रकांत पाटील यांना पुण्याचं काही घेणदेण नाही. ते पाहुणे आहेत, आज ना उद्या कोल्हापूरला जातील. अजित पवार यांनी आताच पद संभाळलं आहे, बघू काय होत, असं रवींद्र धंगेकर यांनी म्हटलं. (Latest Marathi News)