प्राची कुलकर्णी

पुणे : आरोग्य भरती प्रकरणी रोज अनेक आरोपींना ताब्यात घेण्यात येत आहे. पुणे सायबर कारवाईत करणे सुरु आहे. मात्र आज आरोग्य पेपर फुटीचे धागेदोरे थेट आरोग्य मंञालयात पोहोचले आहेत. आरोग्य विभागाच्या जॉईंट डायरेक्टरच्या अधिकाऱ्याला घेतलं ठाण्यातून ताब्यात आहे. या अधिकाऱ्याकडे सध्या जॉईट डायरेक्टर पदाचा अतिरिक्त पदभार आहे. महेश बोटले या अधिकाऱ्याची पुणे पोलिसांकडून कसून चौकशी सुरू आहे. सध्या मिळत माहितीनुसार, चौकशीअंती त्यांना अटक होऊ शकते.

आरोग्य विभागामार्फत (Health Department) गट-ड सेवेतील पदांसाठी ३१ ऑक्टोबर रोजी घेण्यात आलेल्या परीक्षेचा पेपर ३० ऑक्टोबरच्या रात्रीच फुटल्याचा प्रकार घडला होता. याबद्दलची तक्रार अनेक विद्यार्थ्यांनी दाखल केली होती. याच पेपर फुटीप्रकरणी पुणे सायबर पोलिसांकडून चौकशी सुरू आहे. आरोग्यभरती पेपर फुटी प्रकरणी सायबर पोलिसांकडून गुन्हाही दाखल करण्यात आला आहे. याप्रकरणीच पुणे पोलिसांच्या सायबर सेलने एका संशयीताला (ता. १ डिसेंबर) रोजी ताब्यात घेतलं होत. त्यानंतर आरोग्यभरती प्रकरणात तीन आरोपींना अटक करण्यात आली होती.

त्यानंतर पुन्हा आरोग्यभरती पेपरफुटी प्रकरणी आणखी आरोपी ताब्यात घेतले होते. पुणे पोलिसांच्या सायबर सेलने ही कारवाई केली होती. याप्रकरणी आतापर्यंत 7 जणांना अटक झाली झाली आहे.

दरम्यान, आरोग्य विभागाच्या सर्व परीक्षांमध्ये प्रचंड गोंधळ आणि गैरप्रकार झाल्याने राज्यभरातील विद्यार्थ्यांनी तीव्र संताप व्यक्त केला होता. विद्यार्थ्यांसह राज्यातल्या विरोधी पक्षाने या परीक्षेतील सावळ्या गोंधळावरून राज्य सरकारला आणि आरोग्यमंत्री राजेश टोपे (Rajesh Tope) यांना धारेवर धरले होते.

आरोग्य विभागामार्फत गट-ड सेवेतील पदांसाठी ३१ ऑक्टोबर रोजी घेण्यात आलेल्या परीक्षेचा पेपर ३० ऑक्टोबर च्या रात्रीच फुटल्याची तक्रार अनेक विद्यार्थ्यांनी दाखल केली होती. अनेक विद्यार्थ्यांना इन्स्टाग्रामवर पेपर फुटल्याची माहिती मिळाली. सुरवातीपासून आरोग्य विभागाच्या परीक्षांमध्ये या ना त्या कारणाने गोंधळ उडाला होता. पेपर फुटीच्या या गंभीर प्रकाराने राज्यातील वातावरण चांगलेच ढवळून निघाले होते. फुटलेल्या पेपर मधील १०० पैकी ९२ प्रश्नांमध्ये साम्य आढळल्याने हा गुन्हा दाखल झाला आहे.