सचिन जाधव, पुणे

पुण्यात शेअर ट्रेंडिंगमध्ये मोठा नफा मिळवून देण्याचे आमिष दाखवत तीन जणांना कोट्यवधींचा गंडा घालण्यात आला आहे. या प्रकरणी सायबर पोलीस ठाण्यासह मार्केटयार्ड आणि वाघोली पोलीस ठाण्यात तीन स्वतंत्र गुन्हे दाखल करण्यात आले आहेत. दरम्यान अलीकडे सायबर ठग्यांच्या तक्रारीत वाढ झाली असून ही वाढ चिंताजनक आहे.

मिळालेल्या माहितीनुसार, तक्रारदारांना व्हाट्सॲप ग्रुपद्वारे शेअर खरेदीतून अल्पावधीत मोठा नफा मिळवून देण्याचे अमिष दाखवले. आरोपींनी एक ॲप जमा केला,मात्र कोणतेही शेअर खरेदी किंवा परतावा न देता आरोपींनी फसवणूक केल्याचे तक्रारीत नमूद आहे.

हा फसवणुकीचा प्रकार २३ डिसेंबर २०२५ ते ११ जानेवारी २०२६ या कालावधीत घडला. सायबर पोलीस ठाण्यात भारतीय न्याय संहिता आणि माहिती तंत्रज्ञान अधिनियम कलम 66 डी अंतर्गत गुन्हा नोंदवला आहे. या प्रकरणातील तक्रारदार मूळचे मेघालय येथील असून सध्या ते लोहगाव येथील पोरवाल रस्ता परिसरात राहतात.

तिन्ही प्रकरणात पोलिसांकडून बँक खाते, मोबाईल क्रमांक, डिजिटल लिंक आणि तांत्रिक पुराव्यांच्या आधारे तपास सुरू आहे. पोलिस सायबर चोरट्याचा तपास करत आहेत.