अक्षय बडवे

Pune Rajgad Bees Attack:

पुण्यातील राजगड किल्यावर गेलेल्या पर्यटकांवर मधमाशांनी हल्ला केल्याची घटना घडली आहे. तब्बल २५ पर्यटकांवर मधमाशांनी हल्ला केला आहे. सर्व पर्यटक मुंबई आणि पुण्यातील आहेत. या हल्ल्यामध्ये चार पर्यटक गंभीर जखमी झाल्याची माहिती हाती आली आहे. या पर्यटकांना उपचारासाठी रुग्णालयात दाखल करण्यात आले आहे. (Latest Marathi News)

मिळालेल्या माहितीनुसार, पुण्यातील किल्ले राजगडावरील पर्यटकांवर मधमाशांनी हल्ला केल्याची घटना घडली आहे. या किल्ल्यावर तब्बल २५ जणांचा मधमाशांनी चावा घेतला आहे. किल्ल्यावरील सुवेळा माची परिसरात ही घटना घडली आहे.

एका पर्यटक माशा चावल्याने बेशुद्ध झाला आहे. तर या मधमाशांच्या हल्ल्यात चार जण गंभीर जखमी झाले आहेत. या किल्ल्यावरील जखमींना वेल्हा पोलीस आणि स्थानिक यंत्रणेकडून स्ट्रेचरवरून गडावरून खाली आणण्यात आलं आहे.

सकाळी साडे आठ वाजण्याच्या सुमारास राजगडाच्या अतिदुर्गम सुवेळा माचीवर हा प्रकार घडला. मुंबई, पुण्यासह इतर ठिकाणाहून आलेले चाळीसहून अधिक पर्यटक सुवेळा माची परिसरात फिरत होते.

स्थानिकांनी दिलेल्या माहितीनुसार, मुंबई, पुण्याहून सोळा जणांचा ग्रुप किल्ले राजगडावर पर्यटनासाठी आला होता. किल्ल्यावर सुवेळा माची जवळ मधमाशांचं पोळ होतं.

गडावर आलेले पर्यटकांनी अंगावर सुगंधी द्रव्यामुळे मधमाशांनी त्यांच्यावर हल्ला केला. या मधमाशा दोन महिला आणि दोन पुरुषांना अधिक चावल्या. या चार जणांची प्रकृती चिंताजनक होती. तर इतर पर्यटक किरकोळ जखमी झाले आहेत.