कुणीतरी विसरून गेलेली एखादी बॅग तुम्हाला सापडली. तुम्ही ती उघडून बघितल्यावर त्यात एक दोन नाही तब्बल दहा लाख रूपयांची बंडल दिसली तर तुम्ही काय कराल.जरा विचार करा. पुण्याच्या कचरा वेचणाऱ्या अंजूताईला नेहमीप्रमाणे काम करताना तब्बल दहा लाख रुपयांनी भरलेली बॅग सापडली. मात्र अंजूताईनं नेमकं काय केलं ते त्यांच्याकडूनच ऐका.

अंजूताई याच परिसरात काम करत असल्यानं त्यांनी इतरांच्या मदतीनं त्या व्यक्तीचा शोध घ्यायला सुरवात केली. त्यांच्या प्रामाणिक प्रयत्नांमुळे, मूळ मालकाशी संपर्क झाला आणि अंजूताईंनी संपूर्ण दहा लाख रुपयांची रोकड आणि औषधे परत केली. माणूस गरीब असो वा श्रीमंत तो मनाने सच्चा असायला हवा हेच अंजू माने यांनी आपल्या कृतीतून दाखवून दिलं..आज जिथे पै पैशासाठी रक्ताची नातीही विसरली जातात तिथे अंजूताईंची ही कृती आदर्शवतच आहे.