पुणे: गणेशोत्सवाच्या पार्श्वभूमीवर पुणे शहरात मद्यविक्रीबाबत राज्य उत्पादन आदेश जारी केला आहे. गणेश चतुर्थी आणि अनंत चतुर्दशीच्या दिवशी पुण्यात मद्यविक्री पूर्णपणे बंद ठेवण्यात येणार आहे. त्यानुसार 14 सप्टेंबर आणि 25 सप्टेंबर रोजी पुण्यात रोजी ड्राय डे असणार आहे. 14 सप्टेंबर रोजी गणेश चतुर्थी असल्याने तर 25 सप्टेंबर रोजी अनंत चतुर्दशी असल्याने या दोन्ही दिवशी मद्यविक्री करणारी सर्व दुकाने बंद ठेवण्याचे आदेश देण्यात आले आहेत.

याशिवाय गणेशोत्सवातील पाचव्या आणि सातव्या दिवशी होणाऱ्या गणेश विसर्जनाच्या ठराविक मार्गावरील सर्व मद्यविक्रीची दुकाने बंद ठेवण्यात येणार आहेत. गणेशोत्सवातील पाचव्या आणि सातव्या दिवशी होणाऱ्या गणेश विसर्जनाच्या ठराविक मार्गावरील सर्व मद्यविक्रीची दुकाने बंद ठेवण्यात येणार आहेत. विसर्जन मिरवणुकीदरम्यान कायदा आणि सुव्यवस्था अबाधित राहावी यासाठी हा निर्णय घेण्यात आला आहे. तसेच २६ सप्टेंबर रोजी विसर्जन मिरवणूक संपेपर्यंत पुण्यातील मद्यविक्रीची सर्व दुकाने बंद ठेवण्याचे आदेश देण्यात आले आहेत.

विशेष म्हणजे, पुणे शहरातील खडक, विश्रामबाग आणि फरासखाना पोलीस ठाण्यांच्या हद्दीतील परिसर गणेशोत्सवाच्या संपूर्ण कालावधीत कोरडा क्षेत्र म्हणून जाहीर करण्यात आला आहे. त्यामुळे या परिसरात गणेशोत्सवातील सर्व दिवस मद्यविक्री करता येणार नाही. गणेशोत्सवाच्या काळात मोठ्या प्रमाणावर भाविक आणि नागरिक रस्त्यावर येत असल्याने गर्दीचे व्यवस्थापन, कायदा-सुव्यवस्था आणि विसर्जन मिरवणुका सुरळीत पार पाडण्यासाठी राज्य उत्पादन शुल्क विभागाकडून हे निर्बंध लागू करण्यात आले आहेत.