एक दिवसीय लसीकरणाचा पुणे जिल्ह्याने (Pune District) नवा रेकॉर्ड (Vaccinatin Record) नोंदवला आहे. पुणे जिल्ह्यात आज तब्बल 2 लाख डोस टोचले गेले आहेत. पुणे जिल्ह्यात आतापर्यंत तब्बल 80 लाख नागरिकांचं लसीकरण झाले आहे. संपूर्ण राज्याच्या तुलनेत पुण्याने लसीकरणाचा नवा विक्रम नोंदवला आहे. पुणे जिल्ह्या परिषद सीईओ आयुष प्रसाद यांनी याबाबद माहिती दिली आहे. सीएसआर फंडातून झेडपीला दिड लाख डोस मिळाले होते.

पुण्यात कालपर्यंत एकून ४,९५,३४३ रुग्ण आढळले आहेत. काल पुणे शहरात १२८ रुग्ण आढळले होते. त्यामळे एकेकाळी ५००० च्या वर आढळणारे रुग्ण कमी झाले आहेत. पुण्यात मृत्यूचे प्रमाण देखील कमी झाले आहे. काल पुण्यात ५ रुग्णांचा कोरोनाने मृत्यू झाला आहे. सध्या पुण्यात २२३४ रुग्णांवर उपचार सुरु आहेत. अशाच पद्धतीने जर लसीकरण होत राहिले तर पुण्यातील कोरोना लवकरच हद्दपार होऊ शकतो.

महाराष्ट्र सध्या कोरोनाच्या दुसऱ्या लाटेमधून सावरलेला दिसत आहे. परंतू डेल्टा व्हेरिंयटचा धोका वाढत आहे. तिसऱ्या लाटेबाबत तज्ञांकडून धोका वर्तवण्यात आला आहे. त्यामुळे सध्या महाराष्ट्रात सण, उत्सवावर बंधी घालण्यात आली आहे. पुणे शहराचा विचार केला तर अजूनही १०० टक्के अनलॅाक झालेला नाही. अजून बऱ्याच गोष्टी पुण्यामध्ये बंद आहेत.

Edited By: Pravin Dhamale