सचिन जाधव, पुणे

Pune Crime latest News:

बोरिवलीत ठाकरे गटाचे माजी नगरसेवक अभिषेक घोसाळकर यांची गोळ्या झाडून हत्या झाल्याची घटना ताजी असताना पुण्यातही गोळीबाराची घटना घडली आहे. पुण्यात पैशाच्या वादातून गोळीबार झाल्याची घटना समोर आली आहे. पैशाच्या वादातून आरोपीने एका व्यक्तीवर गोळ्या झाडल्या. त्यानंतर त्याने स्वत:वरही गोळ्या झाडून आत्महत्या केली. या घटनेने शहरात एकच खळबळ उडाली आहे. (Latest Marathi News)

मिळालेल्या माहितीनुसार, राज्यात गेल्या काही दिवसांपासून एका पाठोपाठ गोळीबाराच्या घटना घडत आहेत. उल्हासनगर,जळगाव, मुंबईनंतर आता पुण्यात गोळीबाराची घटना घडली आहे.

पुण्यातील औंध भागात हा धक्कादायक प्रकार घडला आहे. पैशाच्या वादातून ही गोळीबाराची घटना घडली. आरोपीने एका व्यक्तीवर गोळ्या झाडल्या. या गोळीबारानंतर आरोपीने स्वत:वर गोळी झाडत आत्महत्या केली.

नेमकं काय घडलं?

पुण्यातील औंध परिसरात आरोपीने पैशाच्या वादातून एका व्यक्तीवर गोळीबार केला. गोळीबार केल्यानंतर त्या आरोपी व्यक्तीने स्वत:वर गोळी झाडत जीवन संपवलं. या आरोपीने रिक्षातच स्वत:वर गोळी झाडत आत्महत्या केली.

अनिल ढमाले असं मृत व्यक्तीचे नाव आहे. या घटनेने परिसरात एकच खळबळ उडाली आहे. आरोपीने ज्या व्यक्तीवर गोळ्या झाडल्या, त्या व्यक्तीच्या प्रकृतीबाबत अद्याप कोणतीही माहिती माहिती समोर आलेली नाही.